Kabanata 9

”Ang sabi ko—wala si dad sa bahay!” Ngumisi si Yelena.

“Nakalimutan ni dad na bibisita ka ngayon! Isipin mo, sa klase ng lalaki na pinakasalan mo, kailangan pa ba talaga ni dad na salubungin ka? Ano ka ba, sapat na ang kahihiyan na dinala mo!”

“Hindi ko kailangan na salubungin niyo ako!”

Biglang tumayo si Cordelia upang patigilin si Yelena. “Ibigay mo sa’kin ang wedding gift ko!”

“Wedding gift?”

Nagtaas ng kilay si Yelena at nginitian niya ng masama si Cordelia. “Anong wedding gift? Wala akong alam diyan!”

Natulala si Cordelia, ngunit napakabilis ng tibok ng kanyang puso. Sa mga sandaling iyon, bumugso ang lahat ng galit, pag-aalinlangan, at sama ng loob na nararamdaman niya. Alam niya na hindi mataas ang kanyang pinagmulan. Mula noong sinilang siya sa mundong ito, binansagan na siya na isang anak sa labas.

Gayunpaman, hindi ito ang kagustuhan niya. Sa kabila ng kadiliman na naranasan niya sa mga nagdaang taon, nagsikap siya na habulin ang liwanag.

Walang ordinaryong babae na papayag na magpakasal sa isang lalaki kapalit ng ibang tao! Gusto lang niyang iligtas ang kanyang ina. Bakit gusto rin nilang kunin ang pag-asang ito mula sa kanya?!

Suminghal si Yelena at tumalikod siya para umakyat sa hagdan, ngunit hinila siya pabalik ni Cordelia.

"Huwag ka munang umalis. Magpaliwanag ka!"

"Ipaliwanag ang ano?" Kinurot ni Yelena ang braso ni Cordelia.

Napaatras si Cordelia sa sakit at nauntog ang likod ng ulo niya sa pader, dahilan para makarinig siya ng matining na tunog sa kanyang mga tainga. Tumingin siya taas at nakita niya ang napakasamang ngiti sa mukha ni Yelena.

"Cordelia, kasal ka na ngayon. Nakatira ka sa isang liblib na parte ng probinsya. Huwag na huwag mong iisipin na parte ka ng pamilya ng mga Jenner!"

"Pero… Nangako si dad!" Nagngitngit ang mga ngipin ni Cordelia. "Kapag nagpakasal ako bilang kapalit mo, sinabi niya na bibigyan niya ako ng malaking halaga ng pera bilang wedding gift ko para sa mom—"

"Para madala mo sa mas magandang ospital ang nanay mo at gumamit ng imported na gamot?" Tumawa si Yelena. "My silly sister, natatandaan mo ba kung bakit kayo pinalayas ni dad sa bahay noon?"

Nanatiling tahimik si Cordelia.

"Nabuntis ng ibang lalaki yung p*tang inang nanay mo at ginalit niya si dad!

"Cordelia, sa impyerno mapupunta ang mga p*tang gaya niya! Sa tingin mo ba ililigtas siya ni dad? Pft, walang ibang gusto si dad kundi ang makita siyang mamatay!"

"Hindi…" Namumula ang gilid ng mga mata ni Cordelia habang sinusubukan niyang pigilan ang kanyang emosyon, ngunit nagsimula nang tumulo ang mga luha pababa sa kanyang mga pisngi.

"Hindi ganun ang mom ko. May nag-frameup lang sa kanya…"

"Sinasabi mo ba na friname up siya ng mom ko?!" Nagtaas ng boses si Yelena habang tinitingnan niya ng masama si Cordelia.

Mahinahon ang mga tingin ni Cordelia. Naalala niya na sinabi ng nanay niya na mas lalong nagiging agresibo ang isang tao kapag marumi ang kanilang konsensya.

"Hindi ako ang may sabi niyan," ang sabi ni Cordelia, habang pinupunasan niya ang kanyang mga luha. "Pareho tayong walang alam sa kung anong nangyari sa kanila, kaya mag-ingat ka sa mga sinasabi mo. Hindi kita mapapalampas kapag binastos mo ulit ang nanay ko!"

"Hah, kung kaya mo!" Tumawa si Yelena at hinawi niya ang kanyang buhok upang ipakita ang bagong bili niyang diamond necklace.

"Anong sa tingin mo? Maganda ba?" Nang-iinis siyang tumingin kay Cordelia. "Kabibili ko lang nito. Mamahalin 'to, akala mo ba? Gumastos ako ng $40,000 para lang dito!"

Nanigas si Cordelia.

Ang sabi ni Yelena, "Binili ko 'to gamit ng pera na para sa wedding gift mo!"

"Ikaw—"

"Tatapatin kita. Ni hindi naisip ni dad na bigyan ka ng regalo. Isang karangalan na pinalitan mo ako! Magpasalamat ka!"

Kinagat ni Cordelia ang kanyang labi at nanginig siya sa galit, ngunit wala siyang magawa. Hindi niya inalis ang tingin niya sa mukha ni Yelena habang magalang siyang pinapaalis ng katulong ng mga Jenner.

Dismayado siyang umalis, makulimlim ang kalangitan at para bang uulan. Pabago-bago ang panahon sa mga buwan na ito, at bigla-bigla na lang bumubuhos ang malakas na ulan. Wala siyang magawa kundi magmadali papunta sa bus station.

"Mr. Z, lumabas na si Ms. Jenner."

"Mm." Hinubad ni Marcus ang kanyang boxing gloves at hinagis niya ito sa gilid bago niya inalis ang mga layer ng gauze na nakabalot sa kanyang mga kamay. "Kamusta siya?"

"Mukhang… hindi maganda."

Sumimangot ang lalaki.

"Mukhang hindi masaya si Ms. Jenner. Malamang masama ang loob niya sa pamilya niya. Nagtanong-tanong ako sa ibang tao. Ang sabi ng katulong ng mga Jenner na hindi niya nakuha ang wedding gift niya at ininsulto siya ng ate niya."

Kinuyom ni Marcus ang kanyang mga kamao at mayroong malamig na tingin sa kanyang mga mata.

"Magkano ba dapat yung wedding gift niya?"

"Nasa higit-kumulang $40,000."

"Magkano yung lupa na gustong makuha ng mga Jenner?"

“$150,000,000.”

"Sige," tumawa si Marcus. "Gamitin mo yung lupa na 'yun para ipamukha sa kanila yung katangahan nila!"