Kabanata 759

Ang sabi ng butler na katabi ni Noah sa kanya, “Sir, si Mr. Carter Irwin ang tagapagmana ng mga Irwin sa Southeast Aciatic. Kilala ang mga Irwin para sa mga nakamit nila sa larangan ng medisina at parmasya. Hindi lang sa Southeast Aciatic, ang kanilang pagiging propesyonal at pagkadalubhasa ay isa rin sa pinakamahusay sa mundo.”

Natahimik sandali si Noah bago siya biglang may naalala. “Ah, alam ko na! Y-Yung medical kit sa bahay! May nakasulat na Irwin Pharmaceuticals sa ilang bote ng mga madalas gamitin na gamot doon!”

“Iyon ‘yun!”

Tuwang-tuwa si Noah nang maisip niya na nakahanap siya ng isang tagapagligtas at hinawakan niya ang kamay ni Cordelia. “Cordelia, t-talaga bang matutulungan ng kapatid mo si Hannah? Uh… Lagi kang inaaway ni Hannah dati. Hihingi ako ng tawad sa’yo para sa kanya, okay?”

Tumayo ng tuwid si Noah at yumuko siya habang nagsasalita siya.

Noong nahulog siya mula sa kabayo noon, hindi lamang ang ulo niya ang napinsala. Maging ang mga nerve niya ay napinsala din