Hindi gusto ni Luna si Quentin. Kumunot ang noo niya at tumingin siya ng malamig dito. “Hindi ako papakitaan ng awa ng pamilya Landry kahit na lumayo ako kay Joshua.” Ngumisi siya at tinanong niya, “Ano ang ginagawa mo dito, Mr. Simms? Nandito ka rin ba para magdasal para sa minamahal mo?” “Magdasal?” Sumingkit ang mga mata ni Quentin at tumingin siya ng nakangisi kila Joshua at Luna. “Sinasabi mo ba na pumunta kayong dalawa dito para hanapin ang kapatid ko at magdasal?” “Anong masama doon?” Hinila ni Joshua palapit si Luna at lumingon siya para tumingin kay Quentin. “Isa sa pinaka kilalang mga pari si Father Samuel sa Merchant City, kaya’t anong problema kung pumunta kami dito para ipagdasal ang pumanaw kong Auntie at ang pumanaw na Uncle ni Luna?” Sumingkit ang mga mata ni Quentin nang marinig niya ito. Makalipas ang ilang sandali, bigla siyang may naalala at tumawa siya ng malakas. “Dahil nandito kayo para magdasal, sa tingin ko ay ito rin ang gagawin ko.” Kumunot ang no
Makalipas ang ilang sandali, ngumiti si Samuel at sumagot siya, “Makakalimutan ko na sana ito ko hindi mo ito binanggit. Oo, may utang ka pa rin sa akin.” Ngumiti si Quentin. “Alam ko na nakalimutan mo na siguro ito dahil sa busy mong schedule, pero hindi ko ito kinalimutan kahit kailan.” Pagkatapos, tinanggal niya ang krus na nakasabit sa leeg niya at nilagay niya ito sa mesa sa pagitan nila. “Dahil balak mong gamitin ang pabor na ito para protektahan si Malcolm, susundin ko ang gusto mo.” “Heto. Pwede na itong kunin.” Tatayo na siya nang huminto siya na para bang may naalala siya. Pagkatapos ay naglabas siya ng pera sa bulsa niya at nilapag niya ito sa mesa. Tumingin si Samuel dito ng nakakunot ang noo. “Ano ito?” “Isang gantimpala sa pagtulong sa akin na ipagdasal ang mga pumanaw.” Tumuro si Quentin kila Joshua at Luna, parehong nakaupo sa bench sa labas, at nagpaliwanag siya, “Ang isa sa kanila ay gustong magdasal para kay Lucy, ang isa ay para kay Collin Landry. At par
Hindi napansin ni Luna ang pagbabago sa mukha ni Samuel. Sa halip, huminga siya ng malalim at nagpatuloy siya, “Nakita po namin ang mga tao sa loob ng video, kaya’t gusto po naming itanong sa inyo kung paano niyo nakuha ang mga video na ito at… kung sino ang lalaking may pangalan na Star.” Anim na taong nakatira si Luna sa Quinn Mansion, at naging malapit siya kay Malcolm dati, gayunpaman, hindi niya pa naririnig ang kahit sino na may pangalan na Star. Base sa video, dapat ay nasa 40-taong gulang na si Star ngayon, at tila siya ang mastermind ng pagpapahirap at pagkamatay ni Lucy. Kahit na ang lalaking nasa video ay kamukha ni Christopher at pinahirapan ng malupit si Lucy, naging masunurin siya sa sandali na dumating si Star. Ang lalaking ito ay ang classmate ni Rosalyn at tatay ni Christopher, si Larry. Kung gumising si Rosalyn mula sa coma, malalaman nila ang tungkol sa tunay na pagkakakilanlan ni Star. Gayunpaman, dahil hindi masasagot ni Rosalyn ang pagdududa nila, wala
“Ang taong may pinakamalaking utang ako simula noong umalis ako ng bahay ay si Malcolm. Kahit na ako ang tatay niya, hindi ko pinakita ang pagmamahal na nararapat sa kanya, pero ngayon, may pagkakataon na ako para gawin ito.” “Kaya naman, para protektahan ang kaligtasan ng anak ko, hindi na ako magsasalita pa tungkol sa nangyari sa nakaraan.” “Pasensya pumunta kayo dito ng para sa wala.” Pagkatapos, kumuha ng dalawang kopya si Samuel ng The Bible mula sa malapit na kabinet at nilagay niya ito sa harap ni Luna. “Nabalitaan ko na namatay ang anak mo, kaya’t ito ang para sa inyo.” “Ang pagdarasal para sa mga pumanaw ay makakatulong para maging payapa sila sa langit.” Si Joshua, na kanina pa tahimik, ay hindi mapigilan na ngumisi nang marinig niya ito. “Sa tingin mo ba ay sa pagdarasal lang, makakabawi ka sa mga pagkakamali mo dati, Father?” Pagkatapos sabihin ito, lumapit si Joshua kay Samuel at binulong niya ng malamig, “Bakit ayaw mong pag usapan ang nakaraan, Father? Sinasa
Sinabi ni Charles kay Luna dati na hindi palakaibigan si Lucy, kaya’t wala siya masyadong kilala na mga tao. Ang huling beses na lumapit sina Luna at Gwen kay Samuel, binanggit ni Samuel na sa isang punto, halos naging third wheel siya sa pagitan nila Lucy at Charles. Ito ay dahil bestfriends sila dati ni Charles, at bago ito, napagkamalan ni Lucy na ang lahat ng ginawa ni Charles para sa kanya ay kagagawan ni Samuel, kaya’t halos magkatuluyan na sila ni Samuel. Kung ituturo ang tao na rason kaya’t pinagtaksilan ni Lucy si Charles… ito ay si Samuel. Nang maisip niya ito, mas lalong sumakit ang ulo ni Luna. Lumingon siya at tumingin siya kay Joshua. “Pero, ayaw pa rin tayong bigyan ng impormasyon ni Samuel ngayon, at bukod pa dito, hindi natin makumpirma ang pagkakakilanlan ng taong si Star. Ang tanging alam lang natin tungkol sa kanya ay classmate siya ng nanay ko at ni Larry…” Ang teacher ni Rosalyn ay matagal nang pumanaw. Bukod pa dito, nabaliw na si Larry, at nasa isang c
Bumalik si Luna sa bahay ni Joshua habang marami siyang iniisip. Sa sandali na pumasok siya sa bahay, naamoy ni Luna ang mabangong pagkain na lutong-bahay. Sinundan niya ang amoy papunta sa kusina at natuklasan niya na naghanda ng maraming pagkain sa mesa sina Bonnie at Theo. Napahinto si Luna nang makita niya ito. Hindi ba’t bad mood si Bonnie ngayong araw? Umiiyak siya simula nang bumisita sina Christopher at Jim nitong umaga, kaya’t bakit maayos na agad siya at nakakapagluto na siya ng mga pagkain na ganito? “Tara dito, tulungan mo kami.” Habang dala ang mga umuusok na plato ng pagkain palabas ng kusina, nakita ni Theo si Luna na nakatitig ng nalilito kay Bonnie. Mabilis niyang tinawag si Luna papunta sa kusina para tulungan sila. Tinanggal ni Luna ang coat, kumunot ang noo niya, nilagay ito sa mga kamay ni Joshua, at pumasok na siya ng kusina. Tinanong niya ng may mahinang boses habang kumukuha siya ng isa pang plato mula kay Theo, “Ano ang nangyari kay Bonnie? Sinu
Habang iniisip ni Luna na sasabihin ni Sean ang masamang balita, may tumunog na boses ng isang batang lalaki mula sa phone, “Papunta na po kami! Aunt Bonnie, ang taong pinadala niyo po para sunduin kami ay isang henyo!” “Magaling po siya magmaneho at nagawa niyang halos matakasan agad ang mga tauhan ni Mr. Jim! Hindi po ako makapaniwala na nasa isang habulan po ako na tulad nito!” Ngumiti si Bonnie nang marinig niya ang masiglang boses ni Harvey, “Mabuti naman! Hinihintay ka namin ng Aunt Luna mo, kaya’t bilisan mo ang pag uwi!” Tumango si Harvey. “Okay po! Pati may sorpresa po ako kay Aunt Luna!” Pagkatapos, ibinaba niya na ang phone. Ibinaba ni Bonnie ang phone niya at bumalik na siya sa kusina para magluto pa ng pagkain. Samantala, medyo naguluhan si Luna sa pag uusap na ito. Hindi niya inaasahan na makukuha ni Sean sina Harvey at Shelly bago ang mga tauhan ni Jim at halos natakasan niya pa ang mga ito sa habulan. Tutal, isang batang mekaniko lang si Sean na nasa 20
Habang nahihiya sa reaksyon ni Luna, lumingon si Nigel at tumingin siya kay Joshua, na siyang nakatayo sa tabi ng pinto. “Manonood ka lang ba, Mr. Lynch?” Ngumiti si Joshua, sumandal siya sa frame ng pinto, at sumagot siya ng mapang asar, “Ikaw ang nagpaiyak sa kanya, kaya’t responsibilidad mo na pangitiin ulit siya. Hindi ako makikialam dito.” Umikot ang mga mata ni Nigel at dahan dahan niyang hinimas ang balikat ni Luna. “Tama na po, Ms. Luna. Nagugutom na po ako.” Napahinto ng ilang sandali si Luna, pagkatapos ay binitawan niya si Nigel. Lumingon siya at napansin niya rin na umiiyak din si Bonnie habang yakap si Harvey. Nagbuntong hininga si Harvey at dahan dahan niyang hinaplos ang likod ni Bonnie para gumaan ang loob nito. “Ayos lang po kung umiyak kayo. Na…” Tumingin siya sa direksyon ni Nigel at nagpaliwanag siya, “Natuklasan ko lang po ang nangyari sa Merchant City pagkatapos ipakita sa akin ni Nigel ang impormasyon habang nasa eroplano kami. Hindi po ako makapaniwa