MRF 65: Abandoned

"Is there something wrong, Kat?" Tanong ni Isaac sa kanya nang mag-angat ito ng tingin mula sa pagkakatutok sa kanyang laptop.

"Aalis muna ako Isaac. Kailangan kong kausapin si Mommy," tugon niya dito.

"Okay I'll take you there."

"Hindi na kailangan. Magtataxi na lang ako—"

"Just let me Katerina. I know you're an independent woman pero kailangan mo ako ngayon. There are a lot of medias outside the condo establishment waiting for you to get out. Somebody must've tip them na nandito ka kaya nagkalat din sila sa labas" anito saka tumayo na.

Hindi na siya nakipagtalo pa sa lalaki bagkus ay tahimik na lang na sumunod dito. Pagkarating nila sa parking lot, pinasakay siya nito sa isang tinted na kotse. Hindi nga nagsisinungaling si Isaac dahil pagkalabas ng sasakyan nila'y nagkalat nga ang maraming media personalities na naroon maging ang ibang mga taong nakikiusyuso. Laking pasasalamat na lang niya at nakalampas sila ng walang kahit na anong aberyang nangyari.

Tahimik siya sa buong byahe.