CHAPTER 97: I’M DEAD

“ANO? Si Vincent at Dylan ay iisa? At anong ginawa niya? Sinubukan ka niyang halikan?” sabi ni Sabrina nang sabihin ko sa kanya ang lahat ng nangyari kahapon.

Hindi ko nagawang makipag-usap kay Sabrina dahil umalis din siya ng bansa noong nakaraan.

“O-Oo. Noong dinala ko siya sa may stock room, s-sinubukan niya akong halikan,” Iniiwas ko ang aking tingin mula sa kaniya.

“Sinubukan niya, o hinayaan mo siyang halikan ka?” pang-aasar naman niya sa akin.

Napakagat ako sa ibabang labi ko. “B-Bigla niya akong hinalikan! H-Hindi ko naman siya magawang itulak palayo, ano!”

Umiling-iling siya. “Ay naku, Sophie. Kilalang-kilala na talaga kita. At for sure, tumugon ka sa mga halik niya, tama? At may nangyari pa bang higit doon?”

“A-Ano? H-Hindi, ano! W-Wala nang nangyari pa pagkatapos niyon dahil sinipa ko ang pinakaiingatan niya.”

“Ouch! Sobrang sakit no’n, Sophie! Baliw ka! Hahaha!”

“Deserve niya naman iyon, at sa susunod na subukan niyang lumapit ulit sa akin, hindi ako mag-aalinlangan na uli