CHAPTER 37: A DATE?

“SOPHIE!”

Kaagad akong napalingon nang marinig ko ang boses ni Lance.

Sobrang lakas kaagad ng tibok ng puso ko nang makita ko pa lamang ang mukha niya. Suot niya ang isang black turtle neck at black na pantalon, pati na rin ang round glasses niya.

Ngayon na nakatingin ako sa kanya, napagtanto kong kamukha niya nga si Vincent.

Teka nga, paano naman napasok ang lalaking iyon rito?

Halos hawakan niya na ang pinakaiingatan ko kagabi. Mabuti na lamang at naipaalala ko sa kanyang hita ko ang pagmamay-ari niya at hindi ang kaluluwa ko. Kailangan ko siguraduhing hindi na siya mananalo sa susunod na laro namin.

“Nasaan si Sabrina?” bumalik lamang ako sa ulirat nang tanungin ako ni Lance.

“H-Hindi ko alam. Hindi niya rin kasi sinasagot ang mga tawag ko. Siguro papunta na rin siya rito.”

Tumango naman siya. “Kung ganoon, hintayin na lamang muna natin siya.”

“Uhm.”

Naupo siya sa upuang katapat ko.

“Ito ang unang beses na nakita kitang hindi nakasuot ng uniform,” bigla niyang komento.

“Huh?”

“I t