CHAPTER 42: PLANNING ABOUT VINCENT’S BIRTHDAY

“ANO? Alam na ni Dr. Jacobs ang tungkol sa relasyon ninyong dalawa ni Vincent?”

Tumango ako saka yumukyok sa desk ko. “At ngayon hindi ko na alam kung anong mukha pa ang ihaharap ko sa kanya. Nahihiya ako dahil itinago ko iyon mula sa kanya. Sigurado ako ngayon iniisip niyang gusto kong pagsabayin silang dalawa ng kapatid niya.”

“Tingin ko wala namang pakialam si Dr. Jacobs doon.”

“Ano? Kung sabagay, may girlfriend na siya kaya ano namang pakialam niya kung kasal na ako o hindi?”

“Kawawang Sophie. Anyway, may napakaguwapo ka namang asawa kaya wala ka nang dahilan para malungkot pa riyan.”

At pagkarinig na pagkarinig ko sa pangalang iyon ay kaagad na nag-init ang magkabilang pisngi ko. Naalala ko bigla ang nangyari kagabi. “T-Tungkol doon.”

“Ha?”

“S-Sab. M-Muntik nang may mangyari sa amin,” bulong ko matapos tumingin sa paligid namin.

Kaagad namang nanlaki ang mga mata niya sa gulat dahil sa sinabi kong iyon. “A-Ano? May nang —”

“H-Hinaan mo ang boses mo.”

“Oh my God, Sophie! Oh my God