CHAPTER 28: HEADACHE

“MAAGA pong umalis si Boss, Miss Sophie,.” sabi sa akin ni Venom pagkababa ko suot ang uniform ko.

Tumango naman ako. “Gano’n ba? Ano, punta na tayo sa school?”

“Opo, Miss Sophie.”

Sumakay kaming dalawa ni Venom sa limousine.

“Miss Sophie.”

“Hmm?” Tumingin ako sa kanya.

“Alam kong wala akong karapatang itanong ito sa inyo, p-pero nag-away ba kayong dalawa ni Boss?”

Nanlaki ang mga mata ko nang tanungin niya iyon. Iniwas ko ang tingin ko mula sa kanya saka ako nag-pout. “Sinabi ko lang naman sa kanya na mag-sorry sa mga magulang niya. I mean, kung hindi nila siya trinato nang mabuti, magulang niya pa rin naman sila, hindi ba?”

Bumuntong-hininga si Venom saka tumingin sa akin. “Tama ka, Miss Sophie. Magulang siya ni Boss, pero hindi mo rin siya masisisi.”

“B-Bakit naman?”

“Lumaki siya nang binabalewala ng mga magulang niya. Kahit kailan ay hindi sila nagkaroon ng pakialam kay Boss dahil mas gusto nila ang kuya nito. Mula pa lamang ng bata siya, nasanay na si Boss na mag-isa at maging an