CHAPTER THREE

THIRD PERSON’S POV:

Nagtaka ang lahat pati ang X Lethal kung bakit nagulat at napasinghap ang dalawang tagapagbantay sa mga kababaihang dumating. Napapaisip ang lahat kung anong espesyal sa limang babae na naging ganoon na lamang ang reaksiyon ng dalawang tagapagbantay sa kanila, pero napahinto ang kani-kanilang mga katanungan sa kanilang isip nang marinig ang pagbubukas ng malaking pintuan ng Arena.

Alas singko na at ang pagbubukas ng malaking pintuan sa Arena ay hudyat ng pagsisimula ng gagawing Underground Battle, nagsipasok ang higit limang daang tao kasali na sina Angela. Nakita pa nila ang panunutok ng tingin ng ibang gang sa kanila habang sila’y papasok.

Siguradong iilang gangs na lang ang nakakakilala sa kanila lalo na’t karamihan sa mga grupo na kasali ngayon ay bago pa lamang. Yung mga gangs na nakasalamuha nila noon ay nakasali na sa iba’t-ibang Mafia Org habang yung iba naman ay huminto. Kaya kampanteng napaupo sa mga upuang naka-assign sa kanila ang lima. Ipapakilala isa-isa ang mga gangs mamaya.

“Kung ang pangalan ng gang ay itinawag, dapat ang mga miyembro ay tatayo. Ganyan ang gagawin ninyong lahat.” Aniya ng emcee sa labanan. Isang sigaw ng pagsang-ayon lamang ang nakuha ng emcee mula sa mga gangsters na nakapalibot sa kanila. Ang hindi lamang alam ng lahat ay may dalawang taong nagmamasid sa kaganapang nagaganap mula sa isang kuwarto na nasa itaas.

Kitang-kita sa kuwartong iyon ang mga nagaganap lalo na’t may malaking glass wall na nakapalibot dito. “Balita ko nagbalik na ang limang babae?” tanong ng isang lalakeng nasa kaedaran na na nakadiretsong tingin pa rin sa ibaba.

“Opo, master. Sabi- sabi nga ng dalawang tagapagbantay sa labas na wala pa ring nagbago sa lima, sila pa rin ang limang babaeng nakilala natin noon.” Sagot ng isang lalake na katabing nakaupo sa kanyang master.

“Sigurado ba kayong sila talaga iyon?” paniniguradong tanong ng kanyang master. “Oo master, kilalang-kilala pa ng dalawang tagapagbantay ang boses ng lider nila.” Napatango na lamang ang kanyang master sa kanyang sinabi kaya itinutok na lang din niya ang kanyang pansin sa nangyayari sa ibaba.

Nakaupo lang ng prente ang lima habang nakikinig sa mechanics na sinasabi ng emcee para sa gagawing battle. “It’s okay to use your knives ‘pag hindi niyo na talaga kaya but ang hindi puwedeng gamitin dito ay baril.” Page-explain ng emcee. “Sasabihin namin mamaya ang mga maglalaban pero sa ngayon ay ipapakilala muna natin ng panandalian ang bawat isang gang na nandito. Let’s start with the Bloody Gang!”

Pagkatawag na pagkatawag ng unang pangalan noong gang ay kaagad nagsitayuan ang anim na myembro saka kumaway sa lahat, tatlong lalake at babae. Nagpatuloy lang ang pagpapakilala ng mga gang at sina Angela ay walang pake na winiwili ang sarili nila sa kakacellphone at paglaro ng sandata nila. Maya-maya’y may biglang nagsidatingang limang lalake sa pwesto nila at tumabi kay Tiffany.

Sumiksik ang isang lalake kay Tiffany saka siya inakbayan, “Ba’t kailangan niyo pang itago ang magagandang mukha niyo? Nahihiya ba kayo o sadyang pa- misteryoso lang?” natatawang tanong nung umakbay ni Tiffany. Kinuha naman ni Tiffany ang nakaakbay na kamay ng lalake saka pinilipit ito.

“Anong karapatan niyong lapitan kami? You’re invading us and our privacy, you know?” mataray na wika ni Tiffany saka napaupo ulit sa upuan. Nagpigil sa kanyang tawa si Kylie dahil sa ginawa ni Tiffany at sa naiinis na ekspresyon nito. Mas lalong nainis si Tiffany dahil patuloy na umupo sa tabi niya ang limang lalake.

Tawang-tawa ang limang lalake sa kanilang ginagawang kalokohan sa limang babae, nang tumangkang tatayo si Angela ay napahinto na lang siya dahil may limang kalalakihan ang nagsidatingan na siyang nakapagpatigil sa tawanan ng naglolokong mga lalake.

“Anong problema rito, Niko?” diretsong tanong ng lalake na parang lider ng lima. “Don’t tell me na mangingialam ka na naman sa mga gagawin ko, James? Oh c’mon bro!” natatawang saad noong Niko na kaagad sinamaan ng tingin ni James.

“You’re doing this everytime this yearly battle comes, kating-kati ka na ba?” seryosong wika ni James na nakapagpigil ng tawa sa kanyang gang mates. “Tsk, we’re just having some fun with these girls at wala kaming ginagawang masama sa kanila. We know each other. Right, girls?” tumingin siya sa limang babae at nakita ang ngisi ni Angela.

Lumapit si Angela kay Niko saka dahan-dahang kinuha ang kutsilyo sa may bewang niya at pasimpleng tinutok iyon kay Niko. “You are trespassing, you stepped unto someone’s territory without their permission and you dared test our temper. Who are you to do that?” Angela coldly said at mas diniinan pa ang panunutok sa kutsilyo.

“Whoa, whoa. Easy ka lang, baby. Ako dapat ang magtanong sayo niyan. Who are you to do this to me? Hindi mo alam kung sino ang tinutukan mo niyang kutsilyo mo.” Umatras at lumayo si Niko mula sa kutsilyo ni Angela kaya inis na napatalikod si Niko at bumalik sa kanilang puwesto dahil sa pagngisi ni Angela.

“Scaredy cats. The show’s over girls.” Napatingin si Angela sa grupo ng mga lalakeng umawat sa grupo noong Niko na ngayon ay nakatingin din sa kanya. Tinaasan niya lamang ang mga ito ng kilay saka umupo.

Napabuntong hininga na lamang si James at saktong pagtawag ng emcee sa kanila ay nakatayo na sila. “And here is the X Lethal!” nang sinabi iyon ng emcee ay siya naming paghiyaw ng malakas ng mga kababaihan maliban sa grupo nina Angela.

Nagbow lang ng kaonti ang X Lethal at pagkatapos ay napaupo ulit sa kanilang mga upuan. Nang makaupo ang grupo ay pasimpleng sumulyap si James sa direksyon nina Angela na ngayon ay walang pakealam sa kanilang narinig at patuloy pa ring nakikinig sa emcee kaya ibinalik na rin ni James ang kanyang atensyon sa emcee.

Pagkatapos tawagin ang X Lethal ay ang grupo nina Angela ang itinawag na siyang nagpagulat sa iilan. “Itong kasunod naman ay ang gang na noon pa sumasali sa labanang ito, ang gang na tinatawag na ‘legendary’ ang siyang nagbabalik ngayon. Let us welcome, the Deadly Royalties!”

Dahan-dahang tumayo sina Angela na siyang nakapagpagulat din ng grupo nina James. Katulad ng nakakarami ay nagbow din sila saka umupo pagkatapos.

Napatango-tango ang lalaki na nakamasid sa itaas nang makita ang pagtayo ng limang babaeng kanilang tinatawag bilang “Deadly Royalties”.

“Wala pa ring ipinagbago ang kanilang aura still deadly as always. Hm, if we talk about physical appearance ay maraming nagbago sa kanila, mas tumangkad sila at mas naging kita ang hubog ng kanilang mga katawan.” Wika ng lalaki. “Master, syempre tamang alaga mula sa kanilang mga magulang? Balita ko pinaghahandaan daw talaga nila itong labanan na ito para makapasok ang gang nila sa Organization natin.”

Napatawa naman ang lalaking nasa kaedaran sa sinabi ng kanyang kanang-kamay. “They really wanted a low profile, as expected from their leader.” Wika niya habang nakatitig sa nakaupong si Angela.

Alas sais na natapos ang pagpapakila sa bawat gang na kasali sa battle. Magsasalita na sana ang emcee nang bigla siyang naputol ng isang sigaw mula kay Niko.

“Mga impostor ang mga babaeng iyan! Hindi sila ang totoong Deadly Royalties!” nagsimulang magbulungan ang mga tao sa loob ng Arena dahil sa pagsigaw na ginawa ni Niko. Napatingin si Niko sa direksyon ng grupo nina Angela at nang makitang nakatingin din si Angela sa direksyon niya ay nginisihan niya ito.

But then Angela mouthed, “Watch us.” Pagkatapos ay inilihis na nito ang paningin niya sa ibang direksyon. Nanatili namang nakatitig si Tiffany sa direksyon ni Niko at itinaas ang gitnang daliri nito sa kanya.

NAPATIGIL sa pagbubulungan ang lahat dahil sa pagtawa ng emcee, syempre kilala nito ang limang kababaihan nito noon pa kaya alam na alam nito ang kanilang kakayahan. “Kung hindi talaga kayo naniniwala, problema niyo na iyan. If you really believe in the saying ‘to see is to believe’ then watch them.”

Hindi na sinayang pa ng emcee ang oras at sinabing magsisimula na ang labanan kaya inanunsyo niya na kaagad kung sino ang unang maglalaban. “Ang unang maglalaban ay ang Indominous Gang at ang X Lethal.”

Napatayo naman ang grupo ni James at saka ang grupo ni Niko. Masayang pumunta sa gitna si Niko kasama ang kanyang gang dahil sa wakas at makakalaban nila ulit ang grupo ng kanilang karibal. Mahinahon namang pumunta sa gitna ang grupo nina James na para bang kampante sila na sila ang mananalo.

Bago magsimula ay uminom na muna sila ng tubig at hinanda ang kanilang mga kagamitan para sa labanan. Nagplano at nagdasal din ang grupo nina James.

“Indominous Gang pala ang pangalan ng gang nung Niko. Ang bulok naman.” Natatawang saad ni Tiffany na tinawanan din ng apat dahil totoo naman, bulok nga ang pangalan nila. “Pero mas bulok yung mga miyembro. Hahaha!” dagdag pa ni Tiffany na mas nakapagpatawa ng kanyang mga kaibigan.

Napahinto na lang sila sa kanilang tawanan nang tumunog ang pagputok ng baril hudyat na magsisimula na ang unang labanan. Napatahimik ang buong paligid dahil walang ni isa pa sa kanila ang kumilos at sinimulan ang pag-atake. Nakikita at nararamdaman ng mga tao ang intense na titigan na meron ang mga naglalaban.

“I won’t go easy on you, James.”

Mabilis na tumakbo si Niko papalapit kay James at saka tumalon ng konti para masipa ang ikaliwang pisngi ni James pero kaagad napaatras si James at nasangga ang atake saka hinawakan niya ang paa ni Niko saka ito pinilipit hanggang sa matumba ito. Out of Balance. Kaagad ding napatayo si Niko at akmang susuntukin ulit si James pero naunahan na siya, sinuntok siya ni James sa mukha at sinipa ang binti nito na naging dahilan ng pagluhod ni Niko at pagkawala ng kutsilyo ni Niko sa kanyang binti.

Si Rain naman na gang mate ni James ay nakikipagtulungan kay Kairo na labanan ang dalawang kalabang nakatutok ang tingin sa kanila. Hinawakan ni Rain ng mahigpit ang kamay ni Kairo at tumalon saka nagswing upang masipa ng sabay ang papalapit na kalaban, nagmistulang support si Kairo sa ginawa nila ni Rain. Napahiga ang dalawang lalake kaya di na sila nag-aksay ng oras pa, si Rain at at Kairo ay dali-daling lumapit sa dalawang lalake at hinawakan sila sa kanilang kamay at ang isang kamay naman nila ay hinawakan ang buhok ng mga lalake.

Sa kabilang banda naman ay bugbog sarado na ang kalaban ng dalawang sina Liam at Jimmy dahil sa kanilang ginawang kalokohan. Habang tinatali ni Jimmy ang mga kamay ng kalaban nila sa isang damit na hindi na nagagamit ay kumakain ito ng lollipop saka mas diniinan pa ang pagtatali para siguradong di na makakawala.

Habang ginagawa iyon ni Jimmy ay di inaasahang matamaan ang bibig niya sa sipa ng lalakeng tinatalian niya kaya yung lollipop na kinakain niya ay biglang nahulog. Sinamaan ng tingin ni Jimmy ang lalakeng nasa tapat niya at sinampal ang pisngi nito na malapit sa bibig ng pagkalakas-lakas. “Tangina mo ah, nasayang yung piso ko sa paninipa mo.”

Napapalakpak at napapahiyaw ang lahat ng kababaihan sa bawat panununtok, paninipa at pag-atake ng X Lethal. Napabilib din ng konti si Angela sa angking galing ng limang lalakeng lumapit at tumulong sa kanila kanina.

“Siguradong sila ang mananalo dyan, boss.” Biglaang wika ni Nicole na nakatutok din sa labanan. Napatango si Angela at napatingin sa orasan na nasa malaking screen malapit sa emcee.

“Siguro totoo ang sabi-sabi nila, na magkatulad lang ang galing natin.” Wika ni Angela at di makapaniwala na sa walong minutong iyon ng labanan ay napatumba na ng X Lethal ang Indominous Gang. “Pero hindi pa rin mawawala ang katotohanang may pagkakaiba tayo mula sa kanila.”

Ngayon naman ay ang bell ang pinatunog hudyat na tapos na ang labanan pagitan sa dalawang gangs. Hinihingal na napatayo ng maayos ang X Lethat at saka tinignan ang orasan. Walang minuto lang ang tinagal ng labanan nila, which is good.

“At ang nanalo sa round na ito ay ang X Lethal!” napabow ulit ang X Lethal at nagpalakpakan ang mga tao. “May ikalawang round pa ba?” tanong ni Angela sa kanyang mga gangmates.

“Di ka si—“ naputol ang sasabihin sana ni Nicole nang may isang lalakeng lumapit sa kanila at napatingin kay Angela. “Kayo po ay ipinatawag ng Hari at gusto niya kayong papuntahin sa itaas.”

“Tsk. Sabihin mo sa kanya na ‘pag tapos ng labanan kami pupunta sa kung saan man siya.”