CHAPTER 53

HOWALD JACOB...

Hindi n'ya alam kanina kung paano suyuin ang dalaga na kita sa hitsura ang galit nang malaman nitong may kausap s'yang ibang babae. Nadagdagan pa ng lumapit sa kanila si Stephanie at nakipag-usap ulit sa kan'ya.

Alam n'yang nagseselos ito kay Stephanie na lihim n'yang ipinagbunyi. Ayaw n'ya sanang kausapin si Stephanie ngunit na corner s'ya nito at bilang respeto na rin ay pinagbigyan n'ya ang dalaga ng ilang minuto.

Ngunit ang magaling n'yang anak ay nagsumbong pala sa nanay nito at ng gisahin na s'ya ni Amber ay wala itong ibang ginawa kundi ang kumain ng mga inorder na pagkain samantalang s'ya ay kawawa sa matalim na titig at galit ng ina.

Ngunit lihim n'yang ipinagpasalamat ang pagka chismoso ng anak dahil kung hindi sa pagsusumbong nito ay hindi n'ya napaamin si Amber.

Nasa sasakyan pa rin sila at mapusok na naghahalikan. Nakahawak ang kan'yang kamay sa bewang ng kasintahan at masuyong pinipisil ang parteng iyon.

Kumalas s'ya sa dalaga para lumanghap ng hangin. P