Chapter 54

"Ang kapal ng mukha mong lalaki ka!" sigaw ni Sebas habang nanlilisik ang kanyang mga mata na nakatingin kay Johan.

Samantala ang ina naman ni Chestine na si Celeste ay hindi alam kung anong magiging reaksyon sa pagbabalikan ng dalawa at sa pagkakataong ito ay si Johan naman ang nagsalita.

"Alam ko pong walang kapatarawan ang ginawa kong kataksilan pero sana bigyan niyo pa po ako ng pangalawang pagkakataon para patunayang hindi ko na po ulit gagawin ang bagay na 'yon sa anak niyo," mahabang lintanya ni Johan.

"Kag*g*hahan!" singhal ni Sebas na ikinayuko na lang ni Johan at pasimple niyang sinulyapan ang seryosong mukha ng kanyang asawa.

Pare-parehas nahihirapan ang kanilang mga kalooban dahil sa nangyayari. Hindi magawang matanggap ng mga magulang ni Chestine ang pakikipagbalikan niya sa asawa niyang si Johan.

Samantala, nahihirapan din naman ang mag-asawang sina Johan at Chestine kung paano ba nila ipapaliwanag sa mga ito kung bakit mas pinili nilang ayusin ang relasyon nila.

"Tumung