CHAPTER 102

Sa bahay ng mga Reynolds, tutok na tutok sa late-night news ang mag-asawa ng magkaroon ng news FLASH.

“Saglit po nating puputulin ang balitang ito tungkol sa nagbabalik na si Djana. Kanina lang ay kumalat ang balita tungkol sa baguhang singer na nakitang may kasamang lalaki na lumabas sa Hotel Tres Solares at pinaniniwalaang galing sa kanyang hotel suite.

Ang hatol ng mga netizen, siya ang lalaking tinutukoy niyang “Love of her life” ni Djana.

Kasalukuyan ay may karagdagang balita ang ating field reporter na si Marky Pulido.

“Yes, Miss Meagan. Nandito kami sa Evergreen Subdivision. May nakapagbulong sa amin na dito daw nakatira ang sikat na singer na si Djana. Sa mismong bahay na inyong nakikita ngayon. Kung mapapansin ninyo, biglang dumagsa ang mga reporter dito sa kagustuhang malaman ang katotohanan tungkol sa kanya.”

Nabulabog ang buong subdibisyon habang pinapalabas ang isang inset ng pangyayari sa buong lugar. Hindi makapaniwala ang mga kapitbahay ni Nadja.

“All this time, n