65.

“Dalian niyo at wag kayong babag-bagal! Bayad ang serbisyo niyo kaya gawin niyo ng maayos at mabilis ang trabaho niyo!” Nagmamadaling sumunod sa utos ni Gervin ang inupahan nitong kalalakihan sa takot rito.

Tinaon ni Gervin na wala ang mag amang Marjo at Johnson para magawa ang plano niya. Karamihan sa mga tauhan ni Marjo ay wala nang malay ngayon dahil sa inilagay niyang gamot sa pagkain na niluto ng chef kanina, magigising ang mga ito pagkalipas ng tatlong oras, kaya kailangan niyang magawa ang plano bago pa magising ang mga ito. Palalabasin lang niya na tumakas si Apol nang sa gano’n ay hindi rin siya malagay sa alanganin.

Napangisi si Gervin. Masyadong tiwala si Marjo sa kanya. Mukhang kinakalawang na ang utak nito ngayong tumatanda na kaya naging tanġa na ito.

“Sir Gervin, wala si ma’am Apol sa kwarto niya!” Imporma ng tauhan niya.

“Umalis ka nga di’yan!” Tinulak ni Gervin ang tauhan niya para pumasok sa kwarto ni Apol. “Púta, hanapin niyo!” Singhal niya sa mga ito. Tumawag lang k