Chapter 39 - My Twins

~After 9 months~

“Ahhhh… Hindi ko na kaya!” impit na sigaw ni Fern sa sakit, kasalukuyang manganganak na ito. Naka-alalay naman si Vina at Aling Mila sa kan’ya, hindi na rin kasi siya madadala sa ospital dahil yournakalabas na umano ang ulo ng bata, mabuti na lang ay mayroon kilalang kumadrona sina Aling Mila.

“Fern, kaya mo iyan! Nandito lang, kami okay? Breath…gawin mo iyong pina-practice mo,” kinakabahang payo ni Vina. Kahit siya ay nanlalamig dahil first time niya lang din makakita ng aktuwal na manganganak. At si Fern pa!

“Ahh… Whoohhooohhh…”

“Ineng, ito na talaga. Mga dalawang ire mo na lang ay ma-iraraos mo na si baby. Ganito, ha? Kapag humilab ulit at parang nadudumi ka ay doon mo na i-ire nang todo, subukan mo. Hinga ng malalim,” saad ng kumadroda. Tagaktak ang pawis sa noo ni Fern. Susundin niya ang turo nito, makalabas ng ang kaniyang anak ng maayos. Hindi niya hahayaan na may mangyari sino man sa kanila, nakasalalay sa kan'ya ang buhay nilang dalawa.

“Ayan na po ulit.