Chapter 38 - Bagong simula

Nang sa wakas ay nakarating na rin kami sa probinsya nila Vina ay masasabi kong napakaganda rito. Ibang-ibang kumpara sa siyodad. Nakakatuwa makita ang maring puno at halaman sa paligid, lalong-lalo na ang sariwang hangin na masarap sa pakiramdam kapag dumadampi sa balat.

“Grabe, Vina. Sobrang ganda rito. Bakit ngayon mo lang ako dinala rito? Sana ay noon pa, palagi naman tayong nagbabakasyon ah.”

“Tss. Malayo kasi,”, tipid na sagot niya sa akin. Nagkibit balikat na lamang ako. Ano kaya ang nangyari pag-alis ko kanina? Nakapag-usap kaya sila ng maayos no’ng Damon na iyon?

“Vina… Ikaw na ba iyan? Hoy! Si Vina nga!” bulalas na sabi ng isang ginang habang nagwawalis ng bakuran.

“Auntie, Mila. Kumusta po? Opo, ako nga,” sagot naman ni Vina ay masayang sumalubong sa ginang. Nakayakapan pa ang mga ito kaya nakakatuwa silang pagmasdan. Mukhang miss na miss niya si Vina, talagang matagal na nga siguro mula nang umalis siya rito.

“Naku… Ang ganda-ganda– Ninyong dalawa nitong kasama mo.” B