Kilalanin kung sino ang kalaban

Pagbaba palang ni Laura sa sasakyan ay magagarbong kotse na ang sumalubong sa kaniya, pati ang mga nagpapasukan na babae at lalaki ay pagandahan ng mga damit.

Ang iba roon ay mula pa sa iba't-ibang brand.

Agad siyang lumakad papasok sana sa pintuan ng may bumunggo sa kaniya.

"Oops, sorry! Hindi kita agad napansin," Si Sia iyon habang tinitignan siya mula ulo hanggang paa. "Masyado kasing simple ang suot mo, akala ko ay isa ka lang sa mga nag a-asssit."

Tulad ng ginawa ni Sia ay tinignan rin ni Laura ang kaharap mula sa sapatos hanggang sa suot nitong mga alahas, hinding-hindi siya pwedeng magkamali.

Ang mga Jewelries ay mula sa company ni Elijah, habang ang dress ay mula sa kilalang fashion designer na dati rin niyang kinukuhanan ng mga damit.

"Sorry to disappoint you, Sia. Pero sigurado ako na pareho lang ang halaga ng suot nating dalawa, hindi ba nasabi sa'yo ni Elijah na sa akin niya nakilala ang designer ng suot mo ngayon?" Ngumisi siya at tumalikod.

Pero bago pa man makalayo si Laura at muli siyang tumigil sa paglalakad at nilingon si Sia, "by the way, ingat ka. Baka hindi mo alam, nagkakamabutihan na rin sila."

"You!" Gusto s'yang sugurin nito pero masyadong maraming tao. "Hindi ako ipagpapalit ni Elijah, dahil dala-dala ko ang anak n'ya. Hindi mo ako katulad, Laura."

"Of course, hindi ako katulad mo. Hindi ako mang aagaw ng lalaki, Sia. Sa tingin mo matutuwa ang anak n'yo kung malaman niya na bunga siya ng panlolokong ginawa n'yo sakin?"

"Laura, ano sa tingin mo ang sinasabi mo kay Sia?" Tinignan siya ng mariin ni Elijah na mukhang kararating lang.

"Bakit, may mali ba sa sinabi ko? Nagsasabi lang naman ako ng totoo, kung hindi n'yo matanggap ay wala akong magagawa." Patalikod na sana muli siya sa dalawa ng hablutin ni Elijah ang braso niya.

"Kung makapagsalita ka kay Sia ay parang hindi ka lumalandi, hindi ba ay magkasama lang kayo ng lawyer na iyon? Ano, binigay mo ba ang sarili mo sa kaniya dahil walang-wala ka na?" Nangungutya ang boses nito.

Halos bumaon ang kuko ni Laura habang kinukuyom ng mahigpit ang kamay, "Mr. Jintalan, ilang beses ko ba na uulitin sa'yo na wala ka ng pakialam kung sino ang kasama ko?" Pinilit na ibigay ni Laura ang pinakamatamis na ngiti sa lalaking kaharap.

Humakbang siya palapit at hinawakan ang dibdib ni Elijah ng marahan, "not unless, nagseselos ka dahil may bago na ako. Akala mo ba ay magmumukmok ako at iiyakan ka?" Nangungutya rin niyang tinignan ang lalaki, "pwes hindi, napagtanto ko na mas bagay kayo ng secretary mo."

Mas humigpit ang hawak ni Elijah sa braso niya, pero nanatiling seryoso ang mukha niya na parang hindi nasasaktan.

"Let go of me, Mr. Jintalan." Madiin niyang sabi, "simula ng sinabi mo na wala na tayo, wala ka na rin karapatan na hawakan ang kahit anong parte ng katawan ko."

"Hah! Nagmamalinis ka pa, kung alam ko lang ay hinawakan ka na ng lawyer na iyon sa iba pa na parte ng katawan mo-" hindi na natapos ni Elijah ang sasabihin ng hindi na napigilan ni Laura na umangat ang katawan niya para sampalin ang lalaki.

May ilan na napasinghap at may ilan na nanatiling tahimik ngunit nakatingin sa gawi nila.

"Don't cross the line, Mr.Jintalan. Kahit hawakan niya ang pinakatatago-tagong parte ng katawan ko, amin na lang iyon. Ngayon, bitawan mo ako kung ayaw mo na pareho tayong mapahiya sa harapan ng maraming tao. Hindi na ako matatakot mangyari iyon, dahil ikaw na rin ang nagsabing sira na ang image ko sa iba."

Saglit na natigilan si Elijah at ilang saglit pa nga ay binitiwan rin ang braso nya, "damn it!" Mahinang sambit niya, "let's go inside, Sia. Malamig dito sa labas, baka makasama sa inyo ng baby."

Bumalik ang pagiging marahan ng boses ni Elijah at inalalayan si Sia na ngayon ay nakangisi sa kaniya, na parang sinasabi nito na siya pa rin ang panalo sa kaniyang dalawa.

Tanging buntong hininga ang nagawa ni Laura habang sinusundan ng tingin ang dalawa, kung alam lang niya na kasama sa attendees ang ex-boyfriend at ang bago nitong babae ay sana'y tumanggi siya sa invitation mula kay Adan.

"Bakit andito ka pa rin sa labas at hindi pa pumapasok sa loob?" Malalim na boses ang nakaagaw ng pansin niya sa gilid.

Suot ang kulay grey na formal suit, nakaayos rin ang buhok nito na mas lalong naging dahilan ng pagiging intimidating niya.

"Lawyer Del Rosario..." Muling nagbalik sa ala-ala ni Laura ang nangyari sa kanila, agad siyang nakaramdam ng hiya. "H-hindi ko alam kung saan ba ako dapat pumwesto, hindi ko nga alam kung para saan ang event na ito at bakit ako andito."

"Ako ang gumawa ng event na ito, inimbitahan kita para makilala mo kung sino ang mga importante na mga tao sa mundong ginagalawan ko." Makahulugan nitong sabi at nilahad ang kamay.

"Bakit kailangan ko na alamin kung sino sila?" Hindi mapigilan na tanong niya at tinaggap ang alok na pag-alalay ng lalaki.

"Why not?" Balik na tanong ni Adan at nagsimula na silang pumasok sa loob, halos lahat ng naroon ay nakatingin sa kaniyang dalawa, "since from now on, you are my woman. Hindi ba dapat ay kilala mo kung sino ang mga dapat mo na iwasan at dapat pakisamahan?" Muling dagdag nito at tumingin sa kaniya. "Sa mundong ito, kailangan kilala mo kung sino ang kalaban, Ms. Zapanta."