Kabanata 76

( Zelena's POV )

"Sigurado ka na ba sa pinaplano mo? Di na ba talaga mababago yan?" Paniniguro ni Tita Charo nang banggitin ko sa kanya ang binabalak ko.

"Opo tita. Kailangan ko na pong mailayo si Connor hangga't wala pang ibang nakakaalam ng lahat, bago pa man malaman ni Conrad at ng pamilya niya na nagkaanak kami. Ayaw ko pong madamay ang anak ko ta." Emosyonal na turan ko. Kinaumagahan palang ay Ikinuwento ko na kay tita ang lahat lahat ng nalaman ko kagabi. Sa sobrang bigat ng dibdib ko at gulo ng isipan ko, feeling ko mapapraning ako kung wala akong masabihan at malabasan ng saloobin.

Nasapo nito ang noo bago umupo sa tabi ko. "Di naman sa nangingialam ako sa desisyon mo Ze, pero parang napakaunfair naman ata niyan kay Conrad. Isipin mo, naaksidente siya dahilan ng pagkawala ng ala ala niya, dahilan kung bakit hindi ka niya nabalikan at hindi niya napanindigan ang pagbubuntis mo. Siguradong kung hindi iyon nangyari sa kanya, buo at masaya sana kayo ngayon." Matapat na salaysay ni