Chapter 56: A Call To Her Cousin

TULOG na tulog si Brielle sa kwarto nilang mag-asawa dala ng matinding pagod at puyat. Nakatunghay lamang si Ivana sa kanya, at puno ng alalahanin ang isipan niya. Nagpakawala siya ng sunud-sunod na buntong hininga. 

Lito ang isip niya dahil sa mga pangyayari. Naiipit muli ang pinsan niya, at nadamay pa ang mismong best friend niya. Tila nasa gitna siya ng nag-uumpugang bato dahil parehong mahalaga sa kanya ang dalawa. 

Determinado ring sinabi ni Brielle kaninang umaga na si Reymond ang pinaghihinalaan nitong tumangay sa kapatid. Ayaw tanggapin ng isip niya ang ganong lohika dahil kahit papaano batid niyang mabait at tahimik si Reymond. Minsanan na rin nitong niligtas ang buhay niya ng nasa bingit siya ng kapahamakan. 

She picked up her phone and went out to the garden. She needed to call her cousin.