Chapter 160: Andrei’s Birthday

ANG sigla sa labas ng bintana ay tila bagong pag-asa sa kanya. Naglakad pabalik sa kanya si Catherine, maaliwalas na rin ang ngiti nito. 

“Tingnan mo naman ang sigla sa labas. Summer na summer na,” 

Sinuklian din niya ng ngiti ito, “Oo nga kaya panay ang anyaya sa akin ni Nate kahapon na bumaba kami sa swimming pool area at maligo raw. Wala naman ako sa mood,” 

Nang makalapit, inakbayan siya ni Catherine, “Gusto mo ba mamayang gabi magkaroon tayo ng barbecue party sa swimming pool area? Pagbigyan naman natin si Nate, nakakaawa naman din ang batang iyon. Namana niya rin ang ugali mo, tahimik at matalino,” 

Sumang-ayon siya sa sinabi nito, “Buti nga sa akin nagmana hindi kay Kuya Simon,” 

<