Chapter 4

Ivy

Mas lalo pang kumalabog sa kaba ang dibdib ko ng pumasok na ang tricycle na lulan namin sa bayan ng Consolascion. Ito ang sentro ng kalakaran sa probinsya ng Kalinaw. Maraming mga establishment at puntahan talaga ng mga tao. Pero talamak ang krimen at ilegal na gawain. Sa unang baranggay pa nga lang ay hilera na ang mga beer house at damadagundong ang tugtog sa speakers na nasa labas at nakatapat sa kalsada. Pero ayun na rin sa mga chismis na naririnig ko ay hindi lamang simpleng inuman ang nagaganap sa loob ng beer house. Talamak din ang bentahan ng laman.

Halos hindi na ako mapakali sa kinauupuan ng pumasok ang lulan naming tricycle sa gilid ng isang beer house. Sa likod nito ay may malaking lumang bahay.

"T-Tiyang a-ano pong gagawin natin dito?" Kinakabahang sabi ko.

"Basta! Malalaman mo mamaya! Umayos ka nga dyan para kang natataeng hindi maintindihan." Asik nya sa akin.

"T-Tiyang umuwi na po tayo.." Mangiyak ngiyak na sabi ko.

"Hindi ka ba titigil? Gusto mong masaktan?" Sikmat nya sabay sabunot sa buhok ko.

Tuluyan na akong naiyak.

"Tumahimik ka! Wag kang umiyak! Kapag nabura yang make up mo masasampal kita!" 

Kinagat ko na lang ang labi ko at tahimik na umiyak.

Hanggang sa makababa na kami ng tricycle at umalis na ito. Tinanaw ko na lang ito ng tingin.

"Halina kayo!" Ani tiyong Oca na nauna na sa amin papasok sa kahoy na double door na may bantay na dalawang lalaki na naninigarilyo.

Mahigpit na hawak ni tiyang ang braso ko at pakaladkad akong hinila. Halos matipalok na ako sa suot kong high heels.

"Tiyang ayoko po!" Iiling iling na sabi ko at hinihila ang brasong hawak nya.

Lumapit sya sa akin at pinandilatan nya ako ng mata sabay tampal ng malakas sa pisngi ko.

Dinuro nya ako. "Tumigil ka ha! Kapag hindi ka sumunod sa akin tatamaan ka na! Nakita mo yung dalawang lalaki sa may pinto? Yun ang yayari sa'yo kapag hindi ka sumunod!" Mahinang asik nya sa akin.

Nawindang ako sa sinabi nya kasabay ng pangangatal ng katawan ko sa takot.

"Ano ba kayong dalawa! Bilisan nyo na nga dyan!" Tawag ni tiyong Oca na kausap ang dalawang lalaki.

"Halika na! Naiinip na sila!" Ani tiyang at hinila na ako.

Nagpalinga linga ako. Bukod sa dalawang lalaki sa harap ng pinto ay may dalawa pang lalaki sa bungad ng maliit na daan na pinasukan namin. Mukha silang bantay at naninigarilyong nakatingin sa amin. Kahit tumakbo ako ay hindi ako makakatakas dahil siguradong hahabulin nila ako. Isama pa na ang suot kong sandals ay mataas ang takong.

"Yan na ba yun?" Tanong ng isang lalaki na may malaking katawan at may tattoo sa leeg. Hinagod pa nya ako ng tingin mula ulo hanggang paa. Ngumisi sya. "Ang ganda nito ah!"

"Sabi ko naman sa inyo eh! Maganda talaga tong si Ivy. Virgin pa yan!" Anang tiyang Linda na ngiting ngiti pa.

Kinilabutan naman ako sa sinabi nya at sa tingin sa akin ng dalawang lalaki.

"Tiyang.." Naiiyak na tawag ko sa kanya.

"Tumahimik ka!" Pabulong na asik nya.

"Teka, nasaan pala si Ka Tano?" Tanong ni tiyong Oca.

"Nasa loob, busy." Nakangising sabi naman ng isang lalaki na may mahabang buhok. 

Ngumisi din si tiyong Oca. "Eh di pa'no yan? Hindi ba kami pwedeng pumasok sa loob? Ngayong gabi ang usapan namin eh."

"Nagbilin naman si bossing." Anang lalaking may tattoo sa leeg. May dinukot sya sa likod ng bulsa ng pantalon. Isang sobreng kulay brown at inabot kay tiyong Oca.  

Lumaki naman ang ngiti ni tiyong Oca at tiyang Linda. Sa tingin ko ay pera ang laman nyon. Hindi naman ako tanga kung ano ang nangyayari. Kinutuban na ako kanina pa.

"O sige, iwan na namin si Ivy sa inyo. Ingatan nyo yan ah! Babalikan na lang namin sya sa lunes. Sabihin mo kay Ka Tano, pakasaya kamo sya." Ngising ngisi na sabi ni tiyong Oca.

Nataranta ako sa sinabi ni tiyong Oca. Iiwan nila ako! Binenta nila ako para gawing parausan! 

"Tiyong.. tiyang wag nyo po akong iwan dito.." Lumuluhang samo ko at humawak sa braso ni tiyang Linda.

"Hindi pwede, nagkasundo na kami ni Ka Tano. At saka isa pa, isang araw at dalawang gabi lang naman. Pag uwe mo babalutuhan ka namin ng tiyong mo." Ani tiyang at pilit tinatanggal ang kamay ko.

"P-Pero tiyang ayoko po! W-Wag nyo kong iwan dito baka kung anong gawin nila sa akin."

"Wag kang mag alala Ivy, wala silang gagawing masama sa'yo. Paglabas mo rito marami ka ng matututunan." Ngising demonyo na sabi ni tiyong Oca.

"O sige na! Kunin nyo na to. Babalikan na lang namin sa lunes." 

Hinawakan ako sa magkabilaang braso ng malaking lalaki at pinasok na sa loob ng malaking bahay. Umiiyak na nagpupumiglas naman ako.

"Tiyang! Wag nyo kong iwan parang awa nyo na!"

Pero para silang bingi na hindi man lang ako nilingon at nagtuloy tuloy palabas ng compound. Kinausap pa nila ang isang lalaking bantay.

"Siguradong tiba tiba si boss dito. Ang ganda ganda at ang seksi pa. Sariwang sariwa." Ngisi ng lalaking may mahabang buhok.

"Ang bango bango pa nga eh." Sabi naman ng malaking lalaking may hawak sa akin at inamoy pa ang leeg ko.

"Wag po! Parang awa nyo na! Pakawalan nyo na po ako." Umiiyak na pagmamakaawa ko sa kanila.

"Hindi pwede, bayad ka na ni boss. At pag aari ka nya ngayon hanggang bukas ng gabi." Sagot ng lalaking mahaba ang buhok.

"Parang gusto kong ako muna ang unang tumikim. Mmm nakakagigil ang bango bango ang lambot lambot pa." Sumubsob pa ang malaking lalaki sa buhok ko at humahaplos ang mga kamay sa katawan ko.

Pilit kong iniiwas ang katawan ko. Diring diri ako sa mga hawak nya. Hindi rin kaaya aya ang hininga nya.

"Wag po! Maawa po kayo! Tulong! Tiyang!"

Pero gaya nila tiyang at tiyong ay parang bingi din ang lalaki at hinahalik halikan na ko sa leeg. Ang lalaking kasama nya ay tatawa tawa lang.

"Hoy ano yan!" Sigaw ng isa pang lalaki na pababa ng hagdan.

Tumigil naman sa ginagawa ang lalaki sa likuran ko at tumingala sa hagdan.

"Babae ni boss! Galing kay Oca at Linda. Super ganda pre, nakakagigil."

"Gago! Wag mong pagnasaan yan! Kay boss Tano yan. Iakyat nyo na ng matikman na ni bossing." Utos ng lalaki na nasa hagdan.

"Tapos na ba si boss sa mga babae nya?" Tanong ng lalaking mahaba ang buhok.

Ngumisi naman ang lalaki sa hagdan. "Oo, kaya tayo naman ang magpipiyesta mamaya. Sige na! Iakyat nyo na yan!"

Wala na akong nagawa ng halos buhatin na ako ng malaking lalaki paakyat ng hagdan. Pilit akong nagpupumiglas. Nanununtok at naninipa pero wala ring silbi.

Hanggang sa ipasok nila ako sa isang pinto. Bumungad sa akin ang office desk at sa likod nito ay nakaupo ang isang malaking lalaki na kayumanggi ang balat at kalabo. Sa tantya ko ay nasa singkwenta na ang edad nya. Nakasuot sya ng bukas na polo na kita ang malaki nyang tiyan. May kandong kandong syang babae na halos hubad na at nakangiti habang nakasubsob sya sa leeg nito.

Tumikhim ang lalaking nasa hagdan kanina.

Kunot noong lumingon naman sa amin ang matandang lalaki dahil naistorbo sya.

"Boss nandito na ang babaeng bayad ni Oca  at Linda." 

Binulungan ng matandang lalaki ang babae sabay abot ng lilibuhing pera. Ngiting ngiti namang tumayo ang babae at hinalikan pa sa pisngi ang matanda. Inayos nya muna ang damit at taas noong dinaanan kami palabas ng kwarto.

Nagsindi naman ng sigarilyo ang matandang lalaki at humithit habang hinahagod ako ng tingin. Abot abot ang kaba ko. Halos kumawala na sa loob ang puso kong nagwawala na sa lakas ng kalabog. Kinikilabutan ako sa uri ng tingin nya.

Tumayo sya at dahan dahang lumapit sa akin. Sinusuri nya ang mukha ko at katawan. Hinawakan nya ang mukha ko at tinaas.

"Hmm maganda nga." Aniya at muling hinagod ng tingin ang katawan ko. "At sexy pa." Sunod ay inamoy nya ako.

Iniwas ko naman ang mukha.

"Hmm at mabango pa." Sabay ngisi nya at haplos ng hinlalaki s pisngi ko.

"Anong pangalan mo iha?"

"I-Ivy po.." Nanginginig sa takot na sagot ko. Mukhang halang ang kaluluwa ng matandang lalaki at sanay sa ilegal na gawain.

"Hmm Ivy, maganda parang ikaw. Ilang taon ka na?"

"E-Eighteen po."

Ngumisi ang matanda at sumipol naman ang tatlong lalaki. Mas lalo lang akong kinilabutan. Para silang mga demonyong nagkatawang tao.

"Batang bata nga, sariwang sariwa. Sige na, dalhin nyo sa katabing kwarto at i-lock ang pinto." Utos ng matanda.

"Boss hindi ho sa kwarto nyo?" Tanong naman ng lalaking mahaba ang buhok.

"Hindi, may plano ako sa kanya. Birhen yan kaya kikita ako ng malaki sa kanya bukas."

"Pa'no kayo nakakasiguro na birhen nga ito? Baka mamaya ginogoyo lang kayo ng mag asawa. Mas mainam kung tikman nyo muna. O kung gusto nyo kami na lang." Suhestiyon pa ng lalaking may hawak sa akin.

"Wag po!" Nahihintakutan na sabat ko.

Tiningnan naman ng masama ng matanda ang tatlong lalaki. "Hindi nila ako gogoyoin dahil alam nila kung ang mangyayari sa kanila. Kaya ipasok nyo na sa katabing kwarto yan at wag kayong magtatangka kundi malalagot kayo sa akin."

"Yes boss!" Halos sabay sabay na sabi ng tatlo at nilabas na ako ng kwartong yun.

"Parang awa nyo na! Pakawalan nyo po ako! Maawa po kayo sa akin!" Palahaw ko habang pakaladkad nila akong dinala. Sa gilid ng luhaang mata ko ay nakikita ko ang ilang mga babae na maiiksi ang damit. Pero hindi gaya ko ay parang wala silang takot at sanay na sanay na sa lugar na ito.

Nang makarating kami sa isang pinto ay binuksan nila ito at halos pabalibag akong pinasok sa loob. Mabuti na lang ay nakahawak ako sa isang bed post. Narinig ko ang pag-click ng pinto tanda na ni-lock ito sa labas.

Patakbo kong nilapitan ang pinto at kinalampag.

"Parang awa nyo na po! Pakawalan nyo ko dito!" Sigaw ko. Hinawakan ko pa ang doorknob at pinihit pihit pa ito.

"Tulong! Tulungan nyo ko! Parang awa nyo na! T-Tulungan nyo ko! Ilabas nyo ko dito!" Sigaw at kalampag ang ginagawa ko sa pinto. Nagbabakasakaling may magandang loob na tulungan ako.

Pero hanggang sa manakit na ang lalamunan at kamay ko ay wala pa ring anumang pagkilos sa kabilang pinto. Nahahapong sumandal ako sa pinto at padausdos na umupo sa sahig. Pinagdikit ko ang mga tuhod at niyakap habang tahimik na umiiyak..

*****