Kabanata 7.2

Kabanata 7.2

“ANO? PAANONG NAHARANG ANG DELIVERABLES NATIN?”

Natigil sa pagsusulat si Dionne nang marinig niya ang malakas na sigaw ng kaniyang ina. May kausap ito sa telepono.

“HANAPIN NIYO ANG MGA ITEMS! HINDI P'WEDENG MAWALA NA LANG NANG BASTA-BASTA ANG MGA ‘YON! TRENTA MILYONES ANG HALAGA NO’N! HIHINTAYIN ‘YON NI MR. YI!” Nang maramdaman ni Divina na may nakatingin sa kaniya ay bigla siyang huminahon. Marahan niyang nilingon si Dionne.

“Mama, may problema na naman ba sa business natin? Mukhang stress na stress ka ah. Alam na ba ‘yan ni kuya?” usisa ni Dionne.

Tinakpan ni Divina ang telepono.“Ikaw na bata ka! Masamang makinig at makisawsaw sa usapan ng matatanda! Bakit ba dito ka nag-aaral sa kuwarto ko? Doon ka sa study room mo!” bulyaw niya.

Tumaas ang isang sulok ng itaas na labi ni Dionne. Lalabas na sana siya ng silid ng kaniyang mama nang may naalala siyang sabihin. “Mama, bawal kang makipagkita kay Rupert ha. Pinapaalala ko lang din na mainit pa ang mga mata ng media sa iyo.