Kabanata 10

Tumango si Faye. “Ganun po kalala.”

“Ganun ba. Gawin mo lang ang kailangan gawin,” Ang kalmadong sinabi ni Wilbur.

Mabilis na tumango si Faye. “Pupunta na po pala ako. Bye, Boss.”

Pagkatapos, mabilis na lumabas si Faye ng pinto.

Tumawa ng mahina si Wilbur at mabilis lang siyang gumawa ng agahan para sa sarili niya bago siya naglakad papunta sa central park.

Nakahanap siya ng isang lugar at nag-unat siya ng konti bago niya ginamit ang isang set ng martial arts moves.

Higit ito sa sampung moves.

Ang bawat move ay ginamit ang katawan ng isang tao sa pisikal na hangganan nito, sa punto na mahirap ito paniwalaan.

Ang mga move ay ginamit upang pagsamahin sa isang kakaibang cultivation method, ang isa na walang hanggan at laging nagbabago.

Makalipas ang kalahating oras, basang basa sa pawis si Wilbur, ngunit magaan at malaya ang pakiramdam niya. Ang katawan niya ay naging presko.

Pawis at kuntento, naghanda siyang bumalik sa bahay para maligo bago siya bumalik sa kanyang meditation.

Sa sandali na lumabas siya ng park, nakasalubong niya ang dalawang tao na may dalang mga regalo.

Nakita nila si Wilbur at lumapit agad sila sa kanya.

“My goodness. Alam ko na umalis ka na ng mga Willow, pero natutulog ka ba talaga sa park ngayon?” Ang tanong ni Yvonne habang puno ng panunuya ang mukha.

Sa tabi niya, mukhang mayabang si Blake habang umiling ito na para bang naaawa kay Wilbur. “Alam ko na hindi maganda ang sitwasyon mo, pero hindi ka pwedeng manlimos dito. Pero matalino ka, pumili ka ng mayamang neighborhood para manlimos. Mukhang hindi ka pa nasisiraan ng ulo.”

Tumawa si Wilbur. “Kakaiba talaga ang imahinasyon niyo.”

“Mali ba kami?” Nangutya si Yvonne. “Ano pa ba ang magagawa ng isang walang kwentang tambay na tulad mo maliban sa manlimos?”

“Wag kang mag alala. Hindi ko sasabihin sa security na palayasin ka. Pero, ang payo ko ay kumuha ka ng trabaho, kung hindi ay mabubuhay ka ng walang kwenta ng ganito,” Ang sabi ni Blake.

Tumingin si Wilbur sa dalawa. “Mukhang marami kayong oras para sa mga tao na malapit nang ikasal.”

“Syempre busy kami!” Tumingin si Yvonne kay Wilbur. “Ang ilan sa mga kaibigan ko na may mataas na social status ay nakatira dito. Nandito kami para magpadala ng wedding invitation sa kanila.”

“Hindi ko na kayo aabalahin. Magpatuloy na kayo.” Umalis si Wilbur pagkatapos nito.

Gayunpaman, sumigaw si Blake sa likod niya. “Tandaan mo na pumunta sa kasal! Dati mong kasama si Yvonne, kaya dapat mo siya makitang masaya doon.”

“Oo.” Umalis si Wilbur ng hindi man lang lumilingon.

Sa sandaling ito, si Susie at ang lolo niya, kasama ang bodyguard nila, ay nasa malapit. Nakita ni Susie ang buong eksena.

Sinabi niya sa bodyguard, “Isama mo si Grandpa para mag exercise. Babalik din ako.”

Tumango ang bodyguard at tinulungan niya si Benjamin papunta sa park. Samantala, si Susie ay humabol kay Blake at Yvonne.

“Excuse me, kilala niyo ba ang lalaking yun?” Ang tanong ni Susie.

Tumingin ang dalawa kay Susie. Alam nila na ang kahit sinong nakatira sa neighborhood na ito ay sobrang yaman kaya hindi nila pwedeng bastusin ang babae.

Mabilis na sumagot si Yvonne, “Oo, kilala namin siya. May problema ba?”

“Ang pangalan ko ay Susie Grayson. Gusto kong malaman ang trabaho ng lalaking yun. Pwede niyo bang sabihin sa akin?” Ang tanong ni Susie.

Huminto ng ilang sandali si Yvonne bago niya sinabi, “Siya ang ex-husband ko. Isa siyang tambay sa pamilya ko ng tatlong taon at wala siyang ginagawa na kahit ano. Kaka-divorce lang namin.”

“Dapat kang mag ingat sa kanya ngayon at nandito siya sa lugar na ito. Siguradong wala siyang binabalak na maganda. Gagawin ng isang taong walang pera ang kahit ano,” Sumingit si Blake.

Mabagal na tumango si Susie. “Salamat. Naiintindihan ko na ngayon.”

Pagkatapos ng pag uusap, tumalikod siya at dumiretso siya sa park.

Tama nga siya. Ang lalaking yun ay sinusubukan maging malapit sa pamilya Grayson. Paano siya naging isang taong may kakayahan?

Ibubunyag niya ang tunay na kulay ni Wilbur kapag umuwi na ang tatay niya upang hindi na mahuli ang lolo niya sa mga scam ng lalaking yun.

Samantala, umuwi si Wilbur at naligo siya bago siya nagsimulang mag meditate.

Pagsapit ng gabi, nag ring ang doorbell.

Sinagot ni Wilbur ang pinto at nakita niya na hawak ni Benjamin ang isang bote ng wine.

“Mr. Grayson! Pasok po kayo,” Ang bati ni Wilbur kay Benjamin, binati niya ito upang pumasok.

Nilagay ni Benjamin ang wine sa mesa, at gumawa ng tsaa si Wilbur para sa kanya.

Malakas na sinabi ni Benjamin, “Isa talaga itong himala. Simula noong nilagay mo ang agos ng energy sa akin at ginamit ko ang cultivation method mo, parang nabigyan ako ng bagong buhay. Parang mabubuhay pa ako ng maraming taon.”

“Haha! Nabuhay na po kayo ng dakila. Dapat po ay mabuhay na kayo ngayon ng masaya.”

Habang nag uusap ang dalawa, umuwi si Faye mula sa trabaho. Nakita niya na may bisita at mabilis niya itong binati.

Mabait na bumati ng pabalik si Benjamin. Pagkatapos ay sinabi ni Wilbur, “Pwede ka bang gumawa ng pagkain? Sa tingin ko ay gusto uminom ni Mr. Grayson.”

Tumango si Faye at pumunta siya sa kusina habang suot ang damit pang-opisina.

Makalipas ang ilang sandali, lumabas siya na may dalang apat na pagkain. Ito ay simpleng mga pagkain, ngunit mabango at masarap talaga ito.

Inihanda ni Faye ang mesa kasama ang ilang baso ng wine at naghain siay ng pagkain para sa kanilang dalawa.

Nag usap sina Benjamin at Wilbur, uminom sila ng masaya.

Sa paraan ng pag toast ni Benjamin ng baso kay Wilbur, halata na matagal na siyang hindi umiinom.

Ganito rin ang ginawa ni Wilbur. Kahit na hindi pa gumagaling ng tuluyan ang katawan ni Benjamin, alam niya na ang cultivation method ni Wilbur, kaya walang epekto sa kanya ang uminom ng konti.

Habang umiinom, nilabas ni Wilbur ang isang pakete ng sigarilyo at tumingin siya kay Benjamin.

Nagisingan si Benjamin, at tumawa ng mahina si Wilbur. “Gusto niyo ba ng isa?”

“Gusto ko ng isa,” Tumawa ng malakas si Benjamin.

Binigay ni Wilbur ang sigarilyo kay Benjamin at sinindihan niya ito. Humithit ng ilang beses si Benjamin, pagkatapos ay bumuga siya ng malaking usok makalipas ang ilang sandali.

“Ganito ang mabuhay ng maganda,” Ang sabi ni Benjamin, masaya talaga siya.

Tumawa ng mahina si Wilbur. “Pero wag dapat kayong manigarilyo ng marami.”

“Ano naman ang maganda na mabuhay ka ng sampung libong taon kung walang kwenta ang buhay mo?” Ang sabi ni Benjamin.

Tumango lang si Wilbur, wala siyang sinabi.

Sa sandaling ito, nag ring ang doorbell. Tumayo si Faye para buksan ang pinto, at pumasok ng galit si Susie.

“Tama ako na nandito kayo, Grandpa. At naninigarilyo at umiinom pa kayo?” Tumitig ng gulat si Susie sa mga sigarilyo at wine sa mesa.

Kumunot ang noo ni Benjamin. “Bakit ka ba sumisigaw? Nasa pamamahay ka ng ibang tao. Nasaan ang respeto mo?”

Sumigaw si Susie, “Niloloko niya lang kayo, Grandpa! Tingnan niyo, hinahayaan niya pa kayo manigarilyo ngayon! Hindi niyo ba alam kung ano na ang kalagayan ng katawan niyo?”

Galit na nagsalita si Benjamin, “Alam ko ito. Mas alam ko kung ano ang nangyayari sa katawan ko maliban sa ibang tao.”

Tinanong ni Susie, “Bakit po pala kayo naninigarilyo at umiinom? Ano po ba ang sinabi ng mga doctor?”

Umiling si Benjamin at tumingin siya kay Wilbur. “Sa tingin ko ay hindi na tayo pwedeng magpatuloy sa pag inom. Naiinis na ako.”

Pagkatapos itong sabihin, tumayo siya at umalis siya ng mag isa, hindi niya pinansin si Susie.

Nagalit si Susie kay Wilbur. “Isa kang sinungaling at isang scammer! Paano mo hinayaan ang isang matandang may sakit na manigarilyo at uminom para lang makuha ang gusto mo? Masama ka talaga!”

Nagsindi ng sigarilyo si Wilbur at hindi niya pinansin si Susie.

Nang makita ang ginawa ni Wilbur, lumingon si Susie kay Faye. “Ano ang relasyon niyong dalawa?”

“Sino ka ba, at kailangan ko ba sabihin sayo?” Ang agad na tinanong ni Faye.

Malamig si Susie, “Wala akong pakialam kung sino ka sa kanya, pero lumayo kayo sa Grandpa ko. Ah, sigurado ako na isang makapangyarihang tao ka din. Isang scammer ang lalaking ito, sana ay wag kang magpahulog sa mga pakana niya at mauwi kang bankrupt.”

Pagkatapos, mabilis na umalis si Susie para habulin ang lolo niya.

Hindi alam ni Faye ang sasabihin niya. Bastos ang babaeng yun!

“Boss, sino po yun? Ano po ang problema niya?” Ang tanong ni Faye.

Kalmading sinabi ni Wilbur, “Ang matandang lalaki ay si Benjamin Grayson. Ang babaeng yun ay ang apo niya, si Susie Grayson.”