THZ 42- SPY PEN

“Boss, positive, asawa nga niya si Rhayan Smith Crawford.”

Napabaling si Hera sa lalaking katabi niya na nakasuot ng itim na hooded robe. Katulad ang uniform ng mga ito sa mga tauhan ni Rhayan, kaya siya sumama. Ngunit nagtataka siya kung bakit may tinawag itong boss mula sa suot na earpiece at binanggit ang pangalan ni Rhayan. Bigla siyang kinabahan dahil sa mga iniisip niya.

“Teka, sandali saan ba si Rhayan, bakit kailangan natin sumakay sa chopper?” tanong niya. Kahit kinakabahan, hindi siya nagpalahata.

Hindi sumagot ang mga ito. Kinalabit niya ang katabi niya ngunit patuloy ito sa pakikipag-usap sa kabilang linya.

“Yes, Boss, Copy.” Binalingan siya nito at tiningnan matapos makipag usap sa boss.

“I said, saan si Rhayan?” galit niyang tanong.

“Shut up! Di ba dapat kami ang magtatanong niyan sa’yo? Ikaw ang magiging alas namin para magpakita si Rhayan.”

“What?” gulat na tanong niya. Ibig sabihin naisahan siya ng mga ito? “Rhayan,” usal niya sa sarili na siya lang ang nakakarinig.