THZ 17 - A MILLION STARS

"Love, gusto mo, hindi muna tayo uuwi? Ipapasyal muna kita. Honeymoon natin ngayon at gusto kong ipasyal kita kahit saang lugar mo gusto." Nakangiting wika ni Rhayan. Binalingan siya ni Hera ng may pagdududa kung totoo ba ang sinasabi niya.

"Saan mo naman ako ipapasyal?" Halata ang pagpipigil nitong mapangiti.

"Saan ba ang pangarap na puntahan ng asawa ko?" Pinagsalikop niya ang palad nilang dalawa habang nakatuon pa rin ang mga mata sa kalsada. Sinulyapan niya ang asawa. Nakita niyang sandali itong nag-isip. Makikita ang tuwa sa mga mata nito ng bumaling sa kanya.

“Sige nga, kung seryoso ka. Gusto kong dalhin mo ako sa lugar sa South Africa kung saan aakyat tayo ng Treehouse na napapalibutan ng maraming ilaw. Hihiga tayo sa loob ng tent at sabay na panoorin ang mga nagkikislapan na mga bituin sa langit.” Napangiti siya habang tinitingnan ang papikit-pikit na mga mata ng asawa habang iniimagine ang sinasabi nito na lugar sa kanya. Nagdilat ito ng mata at sumimangot na tiningnan siya