C17 - ATTY BENNET

“Seidon, lumaban ka, paano na lang ang kumpanya kapag nawala ka?”

Napalingon si Jethro nang marinig na may humihikbi sa likuran niya. Nakita niya si Donya Sonia na pinipilit pahirin ang luha kahit wala naman lumalabas sa mga mata nito. Napaismid siya. Kanina lang parang gusto ng mga itong patayin ang Boss niya. Ngayon halata naman na kaplastikan lang ang ipinakita ng mga ito dahil nakaabang ang media sa loob at labas ng ospital. Lahat ayaw magpahuli sa balita tungkol sa sitwasyon ng batang CEO. "Tsk..tsk..mabuti pa ang maskara mapagkamalan pang totoo, ngunit ang mga kamag-anak ng boss niya purong peke lahat.

"May binubulong ka ba?"

Lumingon si Jethro sa Donya. "Wala naman Donya Sonia. Nagdadasal lang ako na sana iligtas ng mga Doctor si Boss dahil kailangan siya ng Albrecht."

Hindi sumagot ang Donya. Nagpatuloy lang ito sa pagpahid ng pekeng luha.

Saka palang na napansin ni Jethro na halos lahat ng kamag-anak ng Boss niya na pinalayas niya kanina nandito pala lahat nakaabang sa laba