Chapter 39: Championship

"Sumi's POV"

Kakatapos ko lang magluto ng tanghalian nang magsidatingan ang mga kasamahan ko. Agad silang nagkanya-kanya ng upo saka nagsimulang lantakan ang niluto kong tinola na manok.

"Pwede na talaga kayong magpakasal ni Kristoff." Bigla akong nasamid sa sinabi ni Jellah. Dali-dali naman akong inabutan ng tubig ni Kristoff, ngunit nakatanggap ng masamang tingin sa akin matapos ko siyang mahuli na tawang-tawa.

"Sarap na sarap ka eh, no?" naaasar na puna ko na ang ibig sabihin ay sa pagtawa niya sa akin. Pero sadyang iba nga ata ang ikot ng bituka ng isang to.

"Sa luto mo? Oo naman. Pero mas masarap yun-----" Bago pa siya makatapos sa walang kabuluhan niyang salita, pinuno ko ng pagkain ang bibig niya dahilan para tatawa-tawa siyang ipagpatuloy na lang ito.

Matapos lang ang trenta minutos na pahinga ay tinipon-tipon na kaming lahat para sa championship ng tatlong laro. Isang laro sa hapon na ito at dalawa bukas.

Pumunta sa gitna si Miss Mia habang kami naman ay nakapaikot sa kanya.