Chapter 27: Training

"Sumi's POV"

"Hoy! Tulala ka diyan."

"Ha?" napakurap-kurap ako saka inayos ang sarili ko. Tinaasan ako ng kilay ni Lera.

"Paano ka makakapagconcentrate sa pagtuturo niyan kung tulala ka. May problema ka ba?" nag aalalang tanong niya. Tanging iling lang ang sinagot ko pero halatang hindi siya naniniwala.

Lunes na ngayon at ngayon na ang unang araw ng pagtetrain namin sa mga Llera's patungkol sa performances. Kami ni Lera ang nakatuka sa

Theater Arts at ang iba naman ay sa pagkanta, pagsayaw at iba pa.

Pumasok ako sa isang bakanteng kwarto at ramdam ko ang pagsunod niya. Binigyan kasi namin ng mahabang break ang Llera's bago simulan ang training.

Naupo ako sa upuan na malapit sa bintana at naupo din naman siya sa tabi ko. Nakahalukipkip at nakataas ang kilay na tinignan ako. Wala akong nagawa kundi ang magbuntong hininga at ituon ang paningin sa bintana at panoorin ang mga taong dumadaan.

"Naranasan mo na bang mainlove?" Wala sa sariling tanong ko at nadinig ko ang mahina niyang pagta