Chapter 80. Poppy's POV Part IV

CHAPTER EIGHTY: POPPY's POV PART IV

꧁ POPPY ꧂

Kinabukasan,

After Lucio Herald’s party.

TIRIK na tirik na ang araw nang magising ako. Kahit hindi pa naghihilamos at nagsusuklay, agad akong lumabas sa kuwarto at dumiretso sa kusina. Naabutan ko ro’n si Ate Elena, naglilinis. Nang maramdaman niya akong dumating, agad siyang lumingon sa ‘kin.

“Oh, gising ka na pala, Poppy. Nanggaling dito ang asawa mo.”

Agad akong natigilan at napatitig sa kaniya. “Po? Si Faith po? Nasaan po siya?”

“Umalis na.”

Bumilis ang tibok ng puso ko at agad akong tumalikod para sana tumakbo palabas at habulin si Faith, nang makapag-usap na kami. Pero agad din akong napigilan sa sinabi ni Ate Elena.

“Hindi mo na siya aabutan, Poppy. Kanina pa siya umalis. Magtatatlong oras na.”

Laglag ang balikat ko siyang hinarap. “Bakit hindi n’yo po ako ginising?”

“Umakyat siya sa kuwarto mo kanina. Akala ko siya na ang manggigising sa ‘yo. Hindi mo ba namalayan?”

May panlulumo akong umiling. “Hindi ko po alam. Malalim ang naging