Chapter 82. Outing Part 1

CHAPTER EIGHTY-TWO: OUTING

꧁ POPPY ꧂

“F-Faith…”

Pareho kaming natulala, bakas din sa mukha niya ang gulat. Hindi ko inaasahan na makikita ko siya rito. Sa pagkakaalam ko ay hindi naman siya sasama. ‘Yon ang sab isa ‘kin ni Ate Summer at ang dahilan pa nga nito ay busy siya sa trabaho, kaya hindi na ako nag-expect. Lalo pa at lasing na lasing siya kagabi nang ihatid ko siya sa Villasis Park.

‘Teka? ‘Yong suot niya… ‘yon pa ‘yong suot niya kagabi nang ihatid ko siya.’

“Poppy…” mahina niyang tawag sa ‘kin, sabay talikod. Ngayon ko lang nalaman na may hila siyang suitcase. “I’m sorry. Dito ako pinapunta ni Summer. Dito raw ang kuwarto ko. I… I didn't know you were here.”

‘Si Ate Summer?’

“O-Okay lang. Hindi ko rin alam na ikaw ang darating. T-Tinawagan ko kasi si Ate Summer para humingi ng tulong. Ang sabi niya papunta na siya kaya akala ko siya ang dumating,” nahihiya kong sagot.

“You… need help?” tanong niya, nakatalikod pa rin siya sa ‘kin at base sa boses niya, halatang nahihiya rin s