Chapter 51. Coffee Date

CHAPTER FIFTY-ONE: COFFEE DATE

✧FAITH ZEICAN LEE✧

SIMULA pa kaninang mag-drive ako palayo sa mansyon, pansin kong hindi inaalis ni Poppy ang tingin niya sa ‘kin. Hindi ko siya nililingon, pero mula sa gilid ng mata ko, alam kong nakatingin siya sa ‘kin at nakatitig.

“Kaunti na lang, Poppy, matutunaw na ‘ko sa titig mo,” biro ko sa kaniya, bahagya akong nakangiti. “Puwede mo naman sabihin kung may dumi ako sa mukha o kung naguguwapuhan ka na naman sa ‘kin.”

Narinig ko ang mahina niyang pagbungisngis. “Nakakahanga ka kasi.” ‘Tsaka niya pa lang inalis ang tingin niya sa ‘kin, nilipat niya sa daang tinatahak namin while I continue listening to her. “Hindi ko alam na magagawa mong patahimikin si mommy at daddy, pati si Ate Chloe sa mga salita mo. Ako kasi, hindi ko ‘yon kayang gawin. Natatakot ako sa kanila. Pero ikaw, ang tapang mo. Wala pang kahit sino ang nagtanggol sa ‘kin nang gano’n. Ikaw pa lang. At ang sarap pala sa pakiramdam.” She turned to face me again kaya binalingan ko rin si