Chapter 57. It's Chloe

CHAPTER FIFTY-SEVEN: IT'S CHLOE

THIRD PERSON’s POV

“Pasok ka muna dito, Poppy.” Pinapasok ni Summer si Poppy sa loob ng cubicle. “Dito ka lang muna, ha? Hintayin mo ‘ko rito, mag-a-attendance lang ako saglit. Malapit lang naman ang room namin, hindi ako magtatagal. Babalikan kita agad.”

May pag-aalinlangan man kay Poppy ay napilitan na lamang siyang tumango. Noong nakaalis na si Summer ay ‘tsaka niya isinara ang pintuan sa cubicle na kaniyang kinaroroonan para maghintay na lang. Ngunit makalipas lamang ang ilang sandali, nakarinig siya ng mga yabag ng paa at boses ng mga kababaihang nagtatawanan. Pumasok ang mga ito sa restroom. Ang ilan ay inokupa ang ilang bakanteng cubicle dahil narinig ni Poppy ang malakas na pagsara sa pinto.

“Bilisan n’yo, ihing-ihi na ‘ko!” sigaw ng isa.

“Teka! Kapapasok ko lang! ‘Di pa nga ako nakakaupo!” sagot ng isang babae.

Nanatiling nakikinig si Poppy sa kanila nang bigla siyang magulat dahil may humampas sa pinto ng cubicle na kinaroroonan niya. “May tao