Chapter 65. Announcement

CHAPTER SIXTY-FIVE: ANNOUNCEMENT

✧FAITH ZEICAN LEE✧

NAGISING ako na mag-isa na lang sa kama. Hindi ko alam kung bakit wala na si Poppy sa tabi ko gayong maaga pa. Napilitan na rin akong bumangon at inayos muna ang sarili ko bago lumabas sa kuwarto.

No’ng nasa paanan na ‘ko ng hagdan, nasalubong ko si Elena, may bitbit siyang tray kung saan may nakalagay na carton ng fresh milk, pancakes, honey at dalawang baso.

“Nasaan ho si Poppy?” tanong ko sa matandang kasambahay.

“Nasa labas. Halika, sumunod ka na para masabayan mo na siyang kumain.” Ngumiti pa ito sa ‘kin bago naunang maglakad. Paglabas namin, agad kong natanaw si Poppy at ang daddy niya roon sa driveway. Suot pa rin ni Poppy ang pantulog niya, nakapunggos ang buhok niya pataas, halatang hindi pa sinuklay. May bagong sasakyan sa tabi nila at masaya si Poppy na pinagmamasdan ‘yon.

Nang matanaw ako ni Poppy, agad niya ‘kong kinawayan. Lumapit ako, habang si Elena naman ay doon sa garden dumiretso para ilapag sa coffee table na naro