Chapter 41. Bahay-bahayan

CHAPTER FOURTY-ONE: BAHAY-BAHAYAN

✧FAITH ZEICAN LEE✧

MATAPOS naming mamili ni Poppy ng mga kailangan sa bahay, pumunta naman kami sa isang boutique para bumili ng mga susuotin namin sa araw-araw. Sinabihan ko si Poppy na huwag mag-alala sa gastos at piliin na lahat ng kailangan niya dahil medyo magtatagal kami sa vacation house.

Sinabi ko na sa kaniya na doon na namin hihintayin ang eighteenth birthday niya, pero hindi ko pa binanggit sa kaniya ‘yong tungkol sa kasal. Baka kasi mabigya siya kapag nalamang isasabay na 'yon sa birthday niya. ‘Tsaka na lang pagdating nila Mommyla.

Habang nasa panlalaking section ako, hindi ko naiwasang sulyapan si Poppy doon sa gawi ng mga pambabae. Nakita kong pinagmamasdan niya ‘yong couple na ternong pajama na nakasuot sa mannequin at para siyang nag-iisip. Pero agad niya rin iniwas doon ang tingin niya at ibinalik sa harap niya para mamili ng mga T-shirts.

Pagkatapos kong mamili ng para sa ‘kin, dinala ko na sa counter ang basket ko para simulan nang