KABANATA 23

Walang Rigel na bumalik, kahit noong mga sumunod na araw. Nakakatampo. Si Erica tuloy ang napagbuntunan ko ng atensyon.

"Ano ba kasi talagang nangyari sa'yo?"

Matiim kong tinitigan si Erica. Kanina pa siya natutulala at ni hindi nagagalaw ang baso ng gatas niya.

"Huh? Ayos na ako. Ini-imagine ko lang si lieutenant. Ang sarap yata sa bisig niya—"

"Erica. Enough with that. Kapag magaling ka na doon mo pagpantasyahan si lieutenant. Hindi totoo ang sinabi mong na-scam ka no?"

Nanginig ang kamay niyang may hawak sa baso at muntik pang matapon ang laman no'n.

"Totoo 'yon! Na-scam nga ako, Heavs." Nanlalaki pa ang mga mata niya at maging ang butas ng ilong.

"You're lying. Wala pa akong kilalang nasa pederasyon na ginawa ang ganoon. Hindi sila malupit."

"Nangyari na nga sa akin."

"Kasalanan mo din siguro. Paano mo ba inaway?"

"Ayaw ko ng pag-usapan, Heavs. Nanghihinayang lamang ako sa tuwing naiisip ko." Yumuko siya at tumitig sa baso.

"Kapag dumating na ang parents mo, doon na lang ako uuw