Chapter 24

CELINE

Umiyak ako nang umiyak doon sa may garden. Wala namang tao doon kaya walang nakakita sa akin na umiiyak doon. Inilabas ko ang lahat ng sama ng loob ko na nararamdaman para kay David. Simula pa noong una ay hindi na naging maganda ang pakikitungo niya sa akin. Kahit anu-ano ang mga sinasabi niya sa akin na hindi magandang pakinggan. Sa lahat ng mga sinabi niya sa akin na hindi maganda itong pang-aakusa niya sa akin ang hindi ko talaga matatanggap. Sino ba ang matutuwa na akusahan ka na may pinatay kang tao kahit wala naman? Walang matutuwa sa bagay na 'yon. Hindi rin magandang akusasyon o biro 'yon kahit kailan.

Sinabi ko naman sa kanya na hindi ko pinatay ang daddy niya at kailanma'y hindi ko magagawa 'yon sapagkat may malaking utang na loob ako dito. Kung hindi dahil sa daddy niya ay wala ako ngayon dito. Siguro nahihirapan pa rin ako sa sitwasyon ko. Baka nasa kalye na ako nito na namamalimos. Kung hindi dahil sa daddy niya ay hindi ko na alam kung saan ako pupunta at baka wa