Chapter 28

CELINE

Hindi na talaga ako nakapunta pa sa burol ng asawa ko dahil pinagbawalan na ako ni David. Kahit pumunta ako doon ay hindi naman ako papasukin kaya ang ginawa ko ay hindi na lang ako nagpumilit pa na pumunta. Sinabi ko naman 'yon kina Irene at Dina kaya hindi na sila nagtaka pa kung bakit hindi na ako pumunta pang muli sa burol ng asawa ko. Naiintindihan naman na nila ang nangyayari.

"Ano po ang gagawin mo pagkalibing po ni Sir Ronaldo bukas? Pupunta ka po ba sa libing niya?" nakangusong tanong ni Irene sa akin habang nasa loob sila ng kuwarto ng asawa ko. Silang dalawa lang ni Dina ang nandoon dahil sila ang ka-close ko na sa mga kasambahay na nandito sa mansion. Bukas na bukas na ang libing ng asawa ko. Hindi ko rin alam kung makakapunta ako sa libing ng asawa ko.

Nagpakawala muna ako nang malalim na buntong-hininga bago sumagot sa mga tanong ni Irene na 'yon.

"Hindi ko alam ang gagawin ko kapag nailibing na nga siya. Hindi ko alam talaga kung ano ang gagawin ko at mangyayari