CHAPTER 60

Belyn

“Baby, gising na. Kanina pa nakahain sa dining ang Nanang Luisita. Hinahanap ka na rin ni Daddy,” naulinigan ko salita ni Aaron, nakayakap sa aking likuran ngunit dinadaig ako ng antok, kaya naman hinayaan ko lamang siyang nakayakap sa akin at hindi ko pinagkakaabalahan siyang lingunin.

Kahit nga nakikiliti ako sa init na tumatama sa aking batok dahil sa kaniyang hininga. Hindi ko pa rin siya pinapansin dahil mas nanaig ang kagustuhan kong matulog na lamang sa oras na iyon.

Naulinigan kong mahinang tumawa si Aaron muli akong ginigising.

“Misis, hinahanap ka na ni Daddy. Iniwan ko lang siya sa kitchen sabi ko pupuntahan kita rito,” aniya at ayaw akong tigilan pabiro pa akong hinalikan ng may gigil sa batok ko akala uubra ang pang-iistorbo niya sa akin.

“Mrs. Chong, kapag ayaw mo, bubuhatin na lang kita palabas ng kwarto mo," pagbabanta pa ni Aaron.

“Kanina ka pa?” inaantok kong tanong sa kaniya kahit nakatalikod ako. Bahagya akong dumilat, pagkatapos ay naisip kong hu