Chapter 77: Allowance

Iritableng-iritable si Bernadette dahil kay Enrique, hindi niya maintindihan kung bakit makita lang niya ang asungot nitong mukha ay nag-iinit na ang ulo niya ng bongga. Napaismid siya ng kunin niya ang in-order niyang kape at saka pasimpleng umirap sa lalaking kaibigan ni Carmela.

Para sa kanya, dumidikit lamang ito sa kanya para kay Carmela katulad ng ginawa ng kanyang dating nobyo na si Martin. At hindi niya iyon papahintulutan, hindi niya hahayaan na gamitin siya ulit ng isang lalaking may kulang sa pag-iisip.

Nagulat siya ng umupo si Enrique sa upuan na nasa kanyang tapat. Napairap pa siya ng bongga!

"Sinabi ko ba na umupo ka d'yan?" iritang sabi niya. Humigop siya ng kape at nakita niya ang pagngisi nito.

"Wala ng upuan na available, at ito lang ang nakita kong bakante. Tingnan mo kasi bago ka mag-assume." nakangising sabi sa kanya ni Enrique. Ipinikit pa nito ang kanyang mata upang magpa-cute. Naningkit ang mata ni Bernadette.

Lumingon siya sa paligid at nakita nga niya na wala