Chapter 121: mangliligaw

"Ayana, anong ginagawa mo rito?" nagtatakang tanong agad ni Joseph. Ngumiti ng malambing si Ayana sa kanya at hindi na pinansin si Carmela na nanglalaki ang mata ng marinig ang pangalan niya.

"Ito si Ayana? Ito ang babaeng sumagot ng tawag ko kay Joseph," wika ni Carmela sa kanyang utak.

"Talaga ngang dito ka na nakatira, mamahalin ang mga bahay rito hindi ba? Nakakatuwa naman," malambing na sabi ni Ayana. Kulang na lamang ay kuminang ang kanyang mga mata habang sinasabi ang mga iyon.

"Ano ba kasing ginagawa mo rito?" inis na tanong ni Joseph. Naiirita na siya dahil hindi na siya tinitigilan nito ngayon naman ay alam na nito ang bahay niya.

"Oh, bakit ka ba nagagalit sa akin? Girlfriend mo ako hindi ba?" wala sa wisyong sabi ni Ayana. Napakunot naman ang noo ni Carmela saka masamang tumingin sa kanyang asawa.

"Ano bang pinagsasabi mo ha? hindi naman tayo at saka may asawa na ako," galit na sabi ni Joseph. Tumawa ng pagak si Ayana ngunit may galit sa kanyang mga mata.

"Ganoon ba? akala