Chapter 165

“Shit! Kung kailan okay na ang lahat at unti-unti ko ng nakukuha ang loob ni Miles ay saka naman nagkaroon ng problema!” Naiinis kong sambit sabay suntok sa ibabaw ng lamesa. Napalingon sa direksyon ko ang lahat ng mga tao sa paligid ngunit wala akong pakialam. Dahil ng mga oras na ito ay nagpupuyos ang kalooban ko sa matinding galit.

Bakit ba kasi nagpakita pa ang babaeng iyon sa opisina ko! Ni halos hindi ko nga matandaan ang pangalan ng babaeng ‘yun at kung saan ko ito nakilala dahil sa dami nila. Ngunit, ang mas ikinasama ng loob ko ay ang mga salitang binitawan ni Miles na malinaw kong narinig ang lahat.

Para akong sinaksak ng sampung beses. Ang mga salita nito ay di hamak na mas mabigat kaysa sa bato pakiramdam ko ay kay bigat ng dibdib ko.

Padabog na dinampot ko ang alak sa aking harapan at walang pakundangan na tinungga ito. Hindi ko na alam kung gaano na karami ang alak na nainom ko, basta ang alam ko ay masama ang loob ko sa babaeng ‘yun.

“Napaka manhid n’ya! Hindi ba n