Sakay na ng sasakyan nila sila Anthony at Analyn. Kanina pa pinipigilan ni Anthony ang sarili na magtanong kay Analyn, peo sadyang hindi niya kayang kontrolin ang selos na kanina pa nararamdaman ng nakita niyang seryosong nag-uusap sila Analyn at Edward. “Ano’ng pinag-uusapan n’yo kanina ni Edward?” Pinilit ni Anthony na gawing kaswal ang pagkakatanong niya. “Wala lang. Tungkol kay Elle,” sagot ni Analyn. “Tungkol lang kay Elle, pero ang tagal at ang seryoso ng pag-uusap n’yo?” Hindi na napigilan ni Anthony na mapataas ang boses niya.Lumipad ang tingin ni Analyn sa asawa. “Hanggang ngayon ba nagseselos ka pa rin kay Edward? Ibrinodkas mo na nga na asawa mo ako, ganyan ka pa rin?” inis na sagot ni Analyn. “Huwag mong hintayin Analyn na papiliin kita sa aming dalawa ni Edward.”“Eh di sasagutin ko na ngayon ‘yan. Si Edward ang pipiliin ko.” Hindi na nakakibo si Anthony. Sa isip-isip niya, mukhang nagkamali siya sa sinabi niya. Naging padalos-dalos siya sa mga sinasabi niya dahil s
Sinundan ng tingin ni Analyn ang malungkot na si Karl. Bagsak ang mga balikat nito na para bang ang kahuli-hulihang pag-asa niya ay nawala pa. Binuksan na ni Karl ang pintuan ng sasakyan at akmang sasakay na ng sumigaw si Analyn.“Karl! Hintayin mo ko! Sasama ako sa ‘yo!”Agad na napahinto si Karl sa pagsakay sa sasakyan. Kapansin-pansin ang kanyang masayang mukha ngayon kumpara kanina.Doon pa rin siya dinala ni Karl, sa dating hotel at kuwarto kung saan sila tumuloy ni Anthony mula sa bahay ng mga Esguerra.Pagdating nila Analyn at Karl sa tapat ng pintuan ng kuwarto, nagulat pa sila sa biglang pagbukas ng pintuan at may doktor na palabas mula sa loob kasunod ang nakasimangot na sekretarya ni Anthony.“Madam!” Biglang umaliwalas ang mukha ng sekretarya ni Anthony pagkakita kay Analyn. Tila nabuhayan ito ng pag-asa para sa amo niya. “Dok, huwag ka munang umalis!” muling tawag ng sekretarya sa doktor na paalis na. “Madam, tara na sa loob!” tila excited na sabi nito kay Analyn.
Nagising si Anthony sa amoy ng isang mabangong bagay. Nagdilat siya ng mga mata at saka naupo sa kana. Iginala niya ang mga mata. Mag-isa lang siya rito sa kuwarto. Pero napansin niya na may ingay na nanggagaling sa labas ng pinaka-tulugan. Dahan-dahan siyang bumaba ng kama at saka naglakad papunta sa pintuan. Bahagyang nakabukas ang pinto kaya sumilip siya roon. Nakita niya si Analyn na nagsasalin ng kung ano mula sa isang kaserola papunta sa mangkok na hawak niya. Pero base sa amoy nun ay parang sopas ang laman ng kaserola. Agad na tumalikod si Anthony at saka dumiretso sa banyo. Mabilisan siyang nag-shower. Pero paglabas niya mula sa banyo ay tahimik na sa labas ng kuwarto. Tuluyan na siyang lumabas ng kuwarto at wala na siyang nakita roon. Inisip ni Anthony kung nananaginip o nagha-hallucinate lang ba siya kanina. Pero may mangkok na nakatakip sa ibabaw ng mesang kainan. Ibig sabihin ay naroon talaga kanina ang asawa. Lumapit si Anthony sa mesa habang pinupunasan ng tuwalya
Umiling si Anthony. “Hindi ko alam na naroroon ka. Ang sabi sa akin ng source ko ay lumipad ka palabas ng bansa. Iyon pala, nandito ka pa rin sa Tierra Nueva,” sagot ni Anthony.Sa unang pagkakataon, ngumiti si Analyn. “Nandoon ako sa kumbento malapit sa lugar ng bahay ni Lolo Greg.”Napamaang si Anthony, hindi niya naisip na baka nandito lang si Analyn sa Tierra Nueva at hindi naman talaga umalis.“Dalawang buwan ako roon at puro isda at gulay lang ang kinakain ko. Kaya sabik na sabik ako sa karne at alak,” natatawang sabi ni Analyn.“Bakit ka roon nagtago?” “Nagtago? Hmm… not really… gusto ko lang maka-recover ng mabilis sa pagkawala ng unang anak natin.” Biglang nakaramdam ng guilt si Anthony. Pareho silang nawalan ng anak, pero si Analyn lang mag-isa ang nagre-recover sa nangyari. Napansin ni Analyn ang biglang pag-iiba ng mood ng asawa. Nagsisi tuloy siya sa nasabi niya. “Ectopic pregnancy naman ‘yun. Sa ayaw o sa gusto natin, aalisin at aalisin talaga siya sa tiyan ko. Kaya
Nagising si Analyn dahil sa sikat ng araw na tumatama sa mga mata niya. Pagdilat niya, nakita niya ang papasikat pa lang na araw sa tabi ng isang mataas na gusali. Matik na itinaas niya ang kamay niya para takpan ang nasisilaw niyang mga mata. Saka lang niya napagtanto na nasa sasakyan pa rin siya ni Anthony at nakaparada sila malapit sa bahay ni Damian.Samantalang si Anthony na wala pang tulog ay nakatunghay sa mukha ni Analyn mula pa kagabing ipinarada niya ang sasakyan sa tabi. “Gising ka na?” Nilingon ni Analyn ang lalaki, parang nagulat pa siya na nakita roon si Anthony. Agad siyang nagbawi ng tingin sa lalaki. “Dito ba ako nakatulog magdamag?” “Nalasing ka kagabi. Marami kang sinabi na masakit para sa akin.”“Huh?” Sandaling nag-isip si Analyn, pero wala siyang maalala sa sinasabi ni Anthony. Ganunpaman, pinilit niyang ibalewala kung ano man iyon. “Salitang lasing lang ‘yun.” Pagkasabi nun ay umayos ng upo si Analyn, medyo nangawit siya sa pagkakaupo niya.“I promise, Anal
Napapapikit na lang ang kasambahay na nasa labas ng kuwarto ni Brittany sa tuwing may tunog siyang maririnig ng nabasag na bagay sa loob ng kuwarto ng amo. Kanina pa nagwawala si Brittany sa loob ng kuwarto nito. Magulong-magulo na ang kuwarto at nakasabog lahat ng gamit. May mga basag na bagay na kanina pa niya isa-isang hinahagis. “Bakit? Hindi ko mahal si Edward! Bakit ko siya kailangang pakasalan?! Ayoko siyang pakasalan!”Ito ang paulit-ulit niyang sinasabi habang iwinasiwas ang lahat ng madampot sa loob ng kuwarto niya. Basang-basa na rin ang mukha niya sa magkahalong luha at pawis.Mula ng ipinakilala na ni Anthony ang pagkakakilanlan ni Analyn bilang asawa niya sa buong Tierra Nueva, marami ng lumait sa kanya. Ang laman lagi ng mga balita ay nagpipilit daw siyang maging mistress ni Anthony, at hindi na makahintay na maging hiwalay muna sa asawa ang presidente ng De la Merced Group.Nang sa wakas ay napagod na si Brittany sa pagsisira ng mga gamit niya, nanghihina siyang napa
Bumuntong-hininga si Mercy, pilit niyang inuunawa ang anak. Hinaplos niya ang pisngi nito. “Pare-pareho ko lang kayong mga anak, kaya pantay-pantay lang kayo sa akin. Walang aalis sa bahay na ito. Ayaw mo ba nun, madadagdagan pa nga tayo? Masyado kang nag-iisip.” “Natatakot ako, Mama. Lagi ko na lang napapanaginipan iyon. Ang pagdating ni Ailyn dito sa bahay at ang pagpapa-alis mo sa akin dito. Magkakatooo ba “yun, Mama? Natatakot ako…” Niyakap ni Mercy ang anak. “Hindi, Brittany, hindi…”Palihim na natuwa si Brittany. Lingid sa kaalaman ng mga magulang, kumuha siya ng private investigator at nasorpresa siya sa report nito sa kanya. “Si Damian Ferrer, ang tumatayong ama ni Analyn Ferrer ay isang surgeon sa isang ospital sa San Clemente. Si Analyn ay inampon lang niya doon sa ospital dahil walang nagke-claim sa bata nung maaksidente ito at ma-confine doon sa ospital. Kontra ang asawa niya sa ginawa niyang pag-ampon sa bata. Pinaalis si Damian doon sa ospital dahil sa isang kaso ng
Tapos na ang kasal at nasa reception na sila Anthony at Analyn. Kanina pa hinahanap ni Analyn si Elle, pero hindi niya ito nakikita. Hindi tuloy malaman ni Analyn kung umalis na ba ang babae katulad ng sabi niya kanina na magpapakita lang sandali rito sa reception at aalis na. Pero sana naman ay magpaalam muna ito sa kanya bago umalis. “Hey, babe. Gusto mo ba ‘yung ganitong kasal nina Edward at Brittany?” pabulong na tanong ni Anthony sa asawa. Umiling si Analyn. “Ayoko. Masyadong magarbo. Gusto ko, simple lang.” Tumango si Anthony. “Noted.” Pagkatapos ay tumipa ito sa screen ng telepono niya. Nagtaka si Analyn kung ano ang ginagawa ni Anthony kaya sinilip niya ang ginagawa nito, at nakita niya na may notes siyang nakasulat sa notepad ng telepono niya. Naiiling na napangiti na lang si Analyn sa asawa. “Hey, Anthony!” Sabay na napalingon ang mag-asawa. Isang may edad ng lalaki ang tumatawag kay Anthony. Pero kabilang lang ang lalaki sa umpukan ng mga lalaking kasama nito.“Come h
Pagkatapos ng tatlumpung minuto, dumating na si Anthony. Kasama niya si Damian. Agad na sinalubong sila ni Analyn. “Napaka-thoughtful nitong si Antony,” sabi ni Damian kay Analyn.“Nahihiya nga po ako sa inyo. Although nagdya-jive naman kayo ni Lolo, pero siyempre, iba pa rin ‘yung nasa sarili kang bahay. Pasensiya na po at hindi namin kayo agad nabalikan, naging busy kami ni Analyn,” paliwanag ni Anthony.Tinapik ni Damian ang balikat ni Anthony habang nakangiti.“So, bakit ang tagal nakabalik?” sabat naman ni Analyn.Binuksan ni Anthony ang pintuan sa likurang bahagi ng sasakyan at saka may kinuha mula roon. Isang katamtamang laki ng kahon ang kinuha niya mula roon na may tatak ng ipinapabiling pagkain ni Analyn.“Mahaba ang pila nitong tiramisu crepe mo kaya ako natagalan.” Agad namang kinuha ni Analyn ang kahon mula kay Anthony at saka nagmamadaling binuksan ito. May kasama ng tinidor sa loob ng kahon kaya kinuha iyon ni Analyn at saka tinikman ang crepe.Sumimangot ang mukha ni
Nang nagising si Analyn, wala na si Anthony sa tabi niya. Bumangon siya at tiningnan kung nasa banyo ang asawa, pero wala ito roon. Dali-dali siyang lumabas ng kuwarto at sumilip sa barandilya. Sakto na nakita niya ang papalabas na si Anthony. Narinig naman ni Anthony ang ingay sa itaas kaya tumingin ito sa itaas. “Saan ka pupunta?” tanong ni Analyn.“Susunduin ko ang Papa mo. Nakalimutan mo na ba na nandoon pa siya sa bahay ni Lolo?” Sa totoo lang, nawala na talaga iyon sa isip ni Analyn sa dami ng iniisip niya. “Ah, okay. Bilhan mo na rin ako ng crepe dun sa paborito kong cake house. Gusto ko ‘yung tiramisu flavor.” “Okay. Aalis na ako.”Tuluyan ng lumabas ng bahay si Anthony. Narinig na lang ni Analyn ang tunog ng papaalis na sasakyan sa labas. Tumalikod na si Analyn para pumasok na uli sa kuwarto nang bigla siyang napatigil sa paghakbang. Bigla niyang naalala na may driver naman si Anthony dito at may driver din si Lolo Greg sa bahay niya. Mas gugustuhin pa talaga ni Anthon
Ibinuka ni Analyn ang mga labi niya, may gusto siyang sabihin pero walang lumabas mula sa lalamunan niya. Iyong tawag ba kanina na natanggap ni Anthony ay para sabihan siya na nakita na nga si Ailyn? At iniwan siya nito para makita niya si Ailyn?Hindi mapaniwalaan ni Analyn na nakabalik na nga si Ailyn. Parang ang hirap paniwalaan. Sa totoo lang, umasa rin naman siya na sana ay buhay pa si Ailyn at makabalik ito sa pamilya niya. Hiniling niya ito dahil naniniwala siyang siya na ang mahal ni Anthony. Naniniwala siyang sa dami at bigat ng mga pinagdaanan nilang dalawa ni Anthony, wala ng makakagiba sa relasyon nila. Pero nagbalik na nga siya…At iba ang nararamdaman ngayon ni Analyn. Pakiramdam niya ay may delubyo na namang darating sa buhay mag-asawa nila ni Anthony. “Na-surprise ka ba?” nang-iinis na tanong ni Edward.Pakiramdam ni Analyn ay biglang nawala ang lahat ng kumpiyansa sa katawan niya. “Biro mo, nagpunta siya sa bahay ng mga Esguerra ng hindi mo alam? Ni hindi man lan
Nanlaki ang mga mata ni Analyn. “Ano’ng nangyari? Paano nangyari ‘yun?”Lumipad ang tingin ng dalawang matanda kay Analyn dahil sa timbre ng boses nito.[“Hindi ko pa alam ang buong nangyari. Basta, narinig ko. Pero wala pang nakarating na balita sa press at sa mga pulis as of now. At hindi ko rin alam kung may tao bang na-injured dun o ano.”]Kung nasaan man si Elle ngayon ay halatang patago lang ang ginawang pagtawag nito kay Analyn base sa pabulong na pagsasalita nito. Nahalata iyon ni Analyn. [“Pero bukas ng umaga, hindi natin alam kung maitatago pa iyon sa mga press at sa mga pulis.”]“Iyon nga rin ang iniisip ko.”Pagkababa ni Elle sa tawag, hindi pa rin mapakali si Analyn. Hindi niya maisip kung paano nangyari ang aksidente, pinatutukan niya ang project na iyon at todo bantay ang mga tao niya roon. Biglang tumayo si Analyn at saka hinarap ang dalawang matanda. “‘Lo, Papa, aalis na muna ako. May importante lang akong kailangang asikasuhin sa trabaho. Huwag n’yo na akong hint
Kasama si Damian, sa bahay ni Greg nagdiwang ng pagsalubong sa bagong taon sila Anthony at Analyn. Bagaman, may dinaramdam at nanlalambot ang matanda, nakipag-selebra pa rin ito sa kanilang tatlo, pero maaga itong nagpahinga. Nakatanggap ng dalawang ampao si Analyn, isa galing kay Damian, at isa galing kay Anthony. Namilog ang mga mata niya sa tuwa. Madadagdagan na naman ang ipon niya. Nawala ang tuwa niya ng may napansin siya sa dalawang sobre. “Anthony, bakit ang nipis lang ng ampao mo? Etong kay Papa, ang kapal.” Pagkatapos ay binalingan ni Analyn ang ama.“Papa, ibinigay mo na ba sa akin ang buong pensyon mo? Ang kapal ng envelope mo, eh,” pabirong tanong ni Analyn. “Huwag kang umasa. Puro tigsi-singkwentang papel lang ‘yan kaya mukhang makapal,” sagot ni Damian, kay lumabi si Analyn sa kanya. “Hindi ako naniniwal. Ang kapal nito, eh,” sabi ni Analyn habang pinipisil-pisil ang sobre. Pinagbuntunan namin ni Analyn ang asawa. “Ikaw, Anthony. Hindi ba importante sa iyo ang asa
Malapit na ang Bagong Taon. Marami ng nagtitinda ng kung ano-ano sa mga kalsadang nadadaanan nila Anthony at Analyn. Galing sila sa Annual Year-End Party ng lahat ng investor ng DLM Group. Habang pinagmamasdan ni Analyn ang mga iba’t ibang paninda sa labas ng bintana, maraming tumatakbo sa isipan niya. Parang kailan lang nung huling bagong taon. Bago lang sila na naiksala ni Anthony noon. Sino ang mag-aakala na ang anim buwan ay aabot ng isang taon pala?Nilingon ni Analyn si Anthony. “Malapit na naman sa subdivision, gusto kong maglakad kasama ka.” Tumaas ang isang kilay ni Anthony at saka tiningnan ang mga paa ni Analyn. “Magpalit ka muna ng sapatos.”“Wala akong dala. Okay na ‘to. Eh di, kapag sumakit ang paa ko, kargahin mo ko,” tila naglalambing na sagot ni Analyn. Kinalabit ni Anthony ang balikat ng sekretarya niya na nakaupo satabi ni Karl. Agad namang yumuko ang sekretarya at may kinuha sa paanan niya.May kinuha pala itong paper bag at saka inabot iyon kay Anthony. Mula
Abala si Analyn sa laptop niya ng biglang may nagsalita sa gawi ng pintuan. Kinabukasan na ang araw ng pasahod sa mga empleyado nila ni Elle at ngayon pa lang niya nire-review ang attendance ng mga ito.“Bakit naman salubong ang mga kilay mo diyan?”Nag-angat ng tingin si Analyn mula sa laptop niya. Biglang nagliwanag ang mukha niya ng nakita niyang nakatayo si Elle sa may pintuan ng kuwarto niya. Agad siyang napatayo at saka nagmamadaling nilapitan ang kaibigan. Gusto sana niyang magtampo dahil wala itong sinagot sa mga text niya, pero ngayong nakita niya na okay ito ay kinalimutan na lang niya ang pagtatampo. “Elle! Mariosep, akala ko ipauubaya mo na sa akin ang buong Blank,” pagbibiro ni Analyn.Umirap si Elle sa kanya. “Asa ka, malaki ang inilabas kong pera rito,” ang tipikal na sagot ng isang Elle. Niyakap ni Analyn si Elle. “Saan ka ba kasi nagpunta? Bakit ka umalis ng Tierra Nueva?”Nag-alanganin si Elle. Gusto rin sana niyang yakapin pabalik si Analyn, pero meron sa loob n
Walang nagawa si Damian kung hindi ang gumawa ng listahan at ibigay iyon kay Analyn. “Itong nasa huli ng listahan, kulay pulang kahon ito. Nakapatong ito sa pinaka-itaas ng cabinet ko roon. Huwag na huwag mong kakalimutan ‘yan. Kailangang dala mo ‘yan pabalik dito,” pagbibilin ni Damian kay Analyn.“Ano’ng nasa loob nito, Papa? Kayamanan ba?” “Private matter ko ‘yan, Analyn. Huwag ng maraming tanong.”“Sige na, Papa… ano’ng sikreto ang meron ka dun sa kahon?” pangungulit pa ni Analyn.Tumaas ang isang kilay ni Damian. “Sikreto nga, di ba?”“Pera? Marami kang pera?” namimilog ang mga mata na tanong ni Analyn.“Tsk! Ang kulit nitong batang ‘to…”Ngumiti at nag-peace sign si Analyn sa ama. “Joke lang! Hindi na mabiro si Papa…”NANG naroroon na si Analyn sa dating tinutuluyan ni Damian, inobserbahan niya ang bahay. Mukhang wala namang bakas na may nakapasok. Baka hindi pa umaaksyon si Vhance, o nagbabalak pa lang ito ng pwede niyang gawin. Agad na kinuha ni Analyn ang mga nakalagay sa
Pagkatapos ng hindi pagkikita ng ilang araw, naging napakainit ng naging pagniniig ng mag-asawa. Himbing na himbing ang tulog ni Anthony ng nagising si Analyn. Dahan-dahan siyang bumangon. Nang bigla niyang naalala si Elle, baka sumagot na ang kaibigan sa mga text niya.Agad niyang dinampot ang telepono at saka binuksan iyon. Meron na ngang sagot si Elle. Hindi lang isa, kung hindi marami. Agad niyang binuksan ang mga mensahe nito. Nakalagay doon na nagpunta siya ng San Clemente para may asikasuhin tungkol sa negosyo nila. Sinabi rin niya na huwag siyang mag-alala dahil hindi pa sila nagpapanagpo ulit ni Alfie at okay lang siya. Huling mensahe ni Elle na huwag siyang mag-alala para sa kanya. Napa-isip si Analyn. May mali sa mga mensahe ni Elle. Masyado iyong pormal. Parang malayo sa Elle na kilala niya na laging may halong biro o sarkasmo ang pagsasalita nito kahit pa sa text lang. Parang hindi niya ma-imagine na ganun magsalita si Elle katulad ng nabasa niya.Sandali. Kailan pa kam