Kabanata 41

Kabanata 41

Companion

NILINGON ko ang pinanggalingan ng pamilyar na boses na iyon. Hindi na ako nagtaka nang makita ko ang bulto ni Alfred sa likuran ko. Gulat nakatitig sa mukha ko.

"M-Ms. Keisha... bakit ganiyan ang-" hindi niya na natapos sasabihin niya ng agaran ko siyang nilapitan at hinawakan ang dalawang kamay niya. Bumaba ang tingin niya sa mga iyon bago tumingala ulit sa akin para matitigan ako.

"A-Alfred, p'wede ba ako manghingi ng pabor sa 'yo?" nanginginig pa rin ang boses ko ng sinabi ko ang mga katagang iyon. Mas lalong napatulala sa akin ang binata at halata sa mukha niya ngayon na sa isip isip niya, naguguluhan na siya sa nangyayari at inaakto ko.

Gusto ko rin sana ipaliwanag sa kanya ang mga bagay bagay. Kaso, wala na akong natitirang oras para gawin iyon. Baka kasi umuwi na si Tyson dito sa mansyon at baka maabutan niya pa ako.

Ayaw kong mangyari iyon. Dahil ayaw kong makita niya akong miserable at ayaw ko na rin siyang makita pa pagkatapos ng mga nalaman ko ngay