Kabanata 39

Kabanata 39

Revelation

"H-HMM... Ty... I miss your kisses so damn much. M-More…"

Parang gumugunaw ang buong pagkatao ko paunti unti ng mag-pintig sa dalawa kong tainga ang sopistikada, mapanuya, at malanding boses na iyon pagkabukas na pagkabukas ko pa lang ng pintuan.

Nag-ugat na rin ang dalawa kong paa sa kinatatayuan ko at ang puso ko. Tila wala ng balak tumibok ulit dahil kanina ko pa ito nararamdaman parang wala na sa loob ko.

Hindi ko alam kung ano ang tunay na nangyayari sa loob ng opisina ni Tyson dahil kaunting awang pa lang ang nabubuksan ko. P-Pero— hindi naman ako pinanganak kahapon lang para hindi mahinuha ang senaryong nangyayari.

Talagang, sa huni pa lang ng babaeng kasama niya ngayon sa loob. Alam na alam ko na kung ano ang ginagawa nilang kababalaghan kahit hindi pa ako sumilip. At sa palagay ko- wala na rin akong reserbang lakas ng loob tingnan ang ginagawa nilang pagl-lampungan sa likod ko dahil pakiramdam ko, kapag sinilip ko pa sila, kusa nang mawawalan ng laka