Chapter 7

Nagpatawag si Mckenzie ng biglaang meeting. Iyon ay pagkaalis ni Jillian. Nagulat ang mga naroroon sa angking kagwapuhan ni Mr. Sandoval, ang apo ni Madam Lishou na pinakamayamng babae sa mundo. Nasa kanyang tabi ang kanyang secretary at personal assistant na si Elmer.

Hindi siya madalas magpakita sa mga empleyado niya, dahil iniingatan niya ang kanyang privacy. Madalas lang siyang naattend pag may big event like anniversary o may bisita. Nais na niyang putulin ang pang aapi ng mga taong ito kay Jillian na wala namang ibang ginawa, kundi ang sumunod.

"Kumpleto na ba ang lahat?" tanong niya habang nakatayo sa kanilang mini stage na ginawa para lamang sa mga ganoong anunsiyo.

"Opo, kumpleto na," sagot ni Ben. "May pabonus ata." Nagpalakpakan at nagbulungan ang mga taong iyon. Napangisi lamang siya.

'Ganito pala kakakapal ang mukha ng mga tauhan niya. Ang tatamad magtrabaho, pero gusto ng bonus. Itong supervisor nila, ang laki ng tiyan, wala atang masyadong ginagawa.'

"Gusto ko lang kayong kumustahin lahat. Ang inyong pagtatrabaho, kumusta?" tanong niya.

"Okay naman po, maayos naman po," sagot ng mga ito.

"Gusto ko lang malaman ninyong lahat, na alam ko ang bawat galaw niyo. Nakikita ko ang lahat," wika niya. Umugong ang bulungan sa paligid.

"Ano pong ibig ninyong sabihin sir?" tanong ni Ben.

"Alam ko kung sino ang nagtatrabaho sa hindi. Alam ko yan lahat. Kaya ngayon, may gagawin tayo, every month." sabi niya.

"Ano po yun?"

"May exam tayong gagawin kung may natututunan ba kayo. Ang walang natutunan ay magiging probe ulit, at ang may mga natututunan ay aangat ang sweldo."

"Sir, paano po ako?" tanong ni Ben.

"Kasali ka. Kapag bumagsak ka, papalitan kita. Ililipat kita sa ibang department."

"Bakit sir?"

"Anong bakit? wag mong sabihing wala kang alam sa trabaho mo?"

Napalunok ito. Aminado ito na si Jillian ang gumagawa lagi ng kanyang papers na ipinapasa. Iniexplain lang ito dito ni Jillian. "Kaya naman po sir."

"Kung ganun, umpisahan na natin!"

"Ha? sabi niyo sir, one month pa?"

"Bakit, hindi ba pwede ang achievement test?" pumalakpak ito. Pumasok ang tatlong lalaki na may dalang mga clip board. "Hihilahin niyo ang lahat ng upuan niyo dito sa harapan. Ipamahagi na ang mga yan."

Napakamot sa ulo ang nasa tatlumpung empleyadong iyon. Nagulat na may pasurprise exam siya.

"Wag kayong mag alala," si Elmer, " hindi pa totoong exam yan."

"Yehey!!" sigawan ng mga ito.

"Pero, valid yan sa voucher at promotion. Ang makakapasa, mapopromote."

Nagkagulo na ang mga ito. Nagkunwari silang nagkukwentuhan ni Elmer. Napapansin nila ang pagkokopyahan ng mga ito. Naiiling na lang silang dalawa.

"Last 5 minutes, " sigaw ni Elmer. Lalo na ang mga itong nagkagulo dahil sa sinabi ng assistant niya.

"Time is out!!!" sigaw niya, "pakicollect na," utos niya sa mga lalaking namahagi.

Isa isa ng kinuha ng mga ito ang exam. Binulungan niyang icheck na iyon. Tumango naman ang mga ito.

"Madali ba?" tanong ni Elmer.

"May madali, madaming mahirap." daingan ng mga ito.

"May isa pang surprise si sir."

"Ang magkakatulad ang sagot ay automatic, zero," nakangiti niyang anunsiyo.

"Ha? paano po kung talagang yun ang sagot doon sa number na yun?" tanong ni Arnold.

"Imposible yun, dahil ang bawat isang papel, magkakaiba ng tanong." sagot niya.

Doon nagulantang ang mga ito. Hindi makapaniwala sa sinabi niya. May mga nag iilingan, mayroon namang mga nakangiti lamang.

Hindi siguro lubos maisip ng mga ito na magagawa niya yun.

"Checkan nyo na yan, ngayon din!" utos ni Elmer sa tatlo.

"Gusto ko lang ipaalam sa inyo ang nga rules ko dito. Ayoko ng may binubully dito. Ayoko ng tamad. Ayoko ng ang trabaho ay ipinapasa sa iba. Pare pareho kayong pinapasahod tapos manlalamang kayo ng kapwa niyo? makakapal din ang mga mukha niyo."

Nagtinginan ang mga ito at nagbubulungan. Hindi nila alam kung sino ang nagsumbong. May hinala na sila kung sino.

"Nagsumbong po ba si Jillian?" tanong ni Ben.

"Sinong Jillian?" nangunot ang noo niya. Hindi maaaring malaman ng mga ito, na kilala niya si Jillian.

"Yung pangit na nakaupo dito," itinuro ni Ben ang upuan ni Jillian.

"Una, hindi ko kilala ang Jillian na yan, pangalawa, ibig sabihin, sa bibig mo mismo nanggaling na binubully niyo si Jillian base sa pagkakasabi mo, pangatlo, ang kapal ng mukha mong magsabi ng pangit sa isang tao, gayong ang hitsura mo, hindi din naman kaaya aya. Pang lima, Elmer, basahin mo nga."

"Yes sir! May rules and regulations ang company.

ayun sa section 2, Hindi mo maaaring bullyhin ang isang tao, pagtrabahuhin siya ng trabaho mo, at abusuhin siya verbally ,emotionally and physically, ang kapalit nito ay suspension o termination."

"Pe-pero wala namang ganyang nakasulat sa kontrata ah!" wika ni Ben.

"Meron po sir, bandang gitna po yan nakalagay," sabi ng isang staff.

"Nabasa ko rin yan, kasi bilin ng daddy ko, wag pirma ng pirma, basahin muna."

"Lalo na po yung may mga matataas na sweldo, dapat alam ang rules."

"Meaning to say, hindi mo binasa Mr. Santiago ang contract?" tanong niya dito.

Namutla ito. Hindi na makahuma sa nalaman. Alam nitong hindi ito tumupad sa usapan.

Pumalakpak ulit siya. May lumapit na staff, may hawak na papel, "Mr. Santiago, you are fired!"

"Hindi!! Hindi maaari! daddy mo pa lang ang naririto at namamahala, andito na ko. Kaya hindi mo ako maaaring basta tanggalin!" pinunit nito ang termination paper.

"Call the security, at kapag hindi pa to umalis, ipapakalkal natin ang lahat ng records niyan para lumabas ang lahat ng baho niya. Pati yung mga ghost employee na under sa kanya. Matagal ka na naming iniimbestigahan Mr. Santiago. Panahon na para putulin ang sungay mo. Hindi habang panahon, mananamasa ka ng yaman namin. Isa ka lang lintang dumidikit kung kanino ka may masisipsip na dugo. Hindi ako kasing bait ng daddy ko! Kaya nagkamali ka, na ako ang niloko mo. Bata pa ako, pero hindi mo alam kung ano ang pinagdaanan ko para marating ang posisyon na ito. Ikaw, matanda ka na, magulang ka pa! kaya mamimili ka na lang, aalis kang lumalakad, o paaalisin kitang kinakaladkad?!"

"May araw ka rin!" banta nito sa kanya, "nagkamali ka ng kinalaban mo!"

"Ipablotter siya!" sabi niya kay Elmer.

"Mayabang ka lang kasi mayaman ka, lampa ka naman sa suntukan!"

"Oh, sige" hinubad niya ang coat, "one on one tayo, kapag nanalo ka, magtatrabaho ka pa, ako ang aalis, pero pag nanalo ako, ipapakulong kita ng walang piyansayan."

Napalunok ang matanda. Hindi inakalang ganun siya kaagresibo. Mas pinili nito ang tumalikod na lang, at walang lingon likod na lumayo at lumabas.

"Kayo, magsilbing aral ito sa inyo! wag kayong mapanlamang!" saka niya tinalikuran ang mga empleyadong natigalgal. Masyado palang matapang ang kanilang boss.

"Bumalik na kayo sa mga trabaho niyo!" utos ni Elmer sa mga ito. Nagmamadaling magsipagbalikan at mag umpisang magtrabaho at natatakot na baka madamay sa nangyari kay Ben.