Chapter 66

POV: Jillian

Isang malaki at magandang pavillion ang pinasukan nila. Madaming mga bisita na high profile na tao. Sa bandang entrance pa lang, may mga nakakilala agad sa presensiya ni Mckenzie.

"Magandang gabi Mr. Sandoval," isang maedad na lalaki ang bumati dito, "sir Elmer."

"Kumusta kayo Mr. Vicencio?" nakipagkamay ang dalawang lalaki sa matanda.

"Buti at nakarating kayo, ano kaya ang anunsiyo ni Gener? inimbita ang mga bigating negosyante eh. Kumusta naman si Coleen sa kumpanya niyo?"

"Maayos naman ho siya. Nagtataka nga ako at doon niya gustong magtrabaho sa amin, kayo, kumusta ang negosyo?" wika ng asawa niya.

"Ito, maayos naman. Salamat sa tulong niyo ng lola mo. Ayaw mo pa bang malaman ng iba, na lola mo si Liz?" tugon nito sa asawa niya.

"Low profile si lola, ayaw niya ng mga exposure, any way, mga employee namin, si Camilla at Jillian." pakilala sa kanila.

"Ah, totoo palang magaganda ang mga nagtatrabaho sa Sandoval corporation, Mr. Sandoval." nakangiting wika ni Mr. Vicencio