Althea’s POV
Tahimik akong nagta-trabaho sa desk ko, pilit na hindi pinapansin ang mga bulungan sa paligid. Alam kong ako ang pinag-uusapan nila. Kanina pa. Pero anong magagawa ko? Wala akong ginagawang masama. Narinig kong may tumawa nang mahina sa likod ko. "Ang kapal din ng mukha mo, no? Kakapasok mo lang, pero ikaw na agad ang pinag-uusapan sa buong kumpanya." Hindi ko sila pinansin. Mas mabuting magtrabaho na lang kaysa makipagsagutan. Bigla na lang may tumama sa braso ko—isang ballpen. Napakurap ako at napatingin sa sahig kung saan gumulong ang ballpen papalayo sa akin. Napahinga ako nang malalim, pilit na pinakakalma ang sarili ko. "Hindi mo man lang ba pupulutin?" may tonong pang-aasar ang isa sa kanila. Hindi pa ako nakakagalaw nang biglang may sumingit pa. "Alam mo, kung ako sa'yo, aalis na lang ako. Wala ka namang ipagmamalaki dito. Sabagay, baka nga may ibang dahilan kung bakit ka tinanggap, 'di ba?" Sabay-sabay silang natawa. Pinikit ko ang mga mata ko. Ayaw kong patulan. Hindi ko sila papatulan. Pero mas lalong lumakas ang mga bulungan. "Hayaan mo na, may sugar daddy naman siya." "Oo nga, nakita ko kahapon. Matanda, mayaman… siguro sanay na siya sa ganyan." Namilog ang mga kamay ko sa ilalim ng mesa. Alam kong hindi totoo ang sinasabi nila, pero sa bawat salitang binibitawan nila, parang unti-unting nadudurog ang respeto ko sa sarili ko. Lumingon ako sa kanila, hinayaan silang makita ang mga mata kong puno ng hinanakit. "May problema ba kayo?" malamig kong tanong. Napatingin sila sa akin, tila nagulat na sumagot ako. Pero imbes na tumigil, mas lalo silang nagpakawala ng malisyosong ngiti. "Wala naman. Gusto lang namin malaman kung anong sikreto mo para mapansin ka ng CEO," nakangising sabi ng isa. Huminga ako nang malalim at tumayo. Alam kong hindi matatapos ang pang-aasar nila kung hindi ako aalis. Pero bago pa ako makalayo, narinig ko ang isang pamilyar na boses. "Anong nangyayari dito?" Mabilis kong nilingon ang pinagmulan ng tinig—si Xander. At sa titig niyang puno ng inis, alam kong hindi niya ako poprotektahan. Sa halip, may mas malala pa siyang gagawin. Napatigil ako sa paglalakad nang biglang sumingit ang isa sa mga katrabaho ko at lumapit kay Xander. May mapanuksong ngiti ito sa labi, para bang may masamang balak. "Sir, may gusto lang po kaming i-report tungkol kay Althea," anito, sabay sulyap sa akin na puno ng pang-iinsulto. Napasalubong ang noo ni Xander. "Ano ‘yun?" malamig niyang tanong. Nagkatinginan ang mga babae, tila gustong pagsamasamahin ang kanilang kwento para mapalabas na ako ang masama. "Sir, kanina pa po siya nakikipaglandian sa chat. Puro ‘sweetie,’ ‘honey,’ at ‘baby’ ang sinasabi niya. Baka naman po hindi siya nandito para magtrabaho, kundi para humanap ng sugar daddy." Natawa ang iba, sumabay sa mga pang-iinsultong titig sa akin. Hindi ko na kinaya. "Ano bang problema niyo?" inis kong tanong. Nagkunwari pang nagulat ang isa sa kanila. "Uy, defensive! Tama nga siguro ang hinala namin." Napatiim-bagang ako. "Wala akong ginagawang masama. At lalong wala akong kachat!" Ngunit hindi pa ako tapos magsalita nang biglang nagtaas ng kamay si Xander, hudyat na tumahimik ang lahat. Mabagal siyang lumapit sa akin, ang titig niya ay tila bumabaon sa kaluluwa ko. "Talaga bang wala kang kachat, Althea?" malamig niyang tanong. Napalunok ako. Hindi ko alam kung bakit pero may kakaibang pakiramdam akong nararamdaman sa paraan ng pagtitig niya sa akin. "Wala," matigas kong sagot. Ngunit imbes na maniwala, ngumisi lang siya at humakbang palapit. "Kung gano'n, patingin ng phone mo." Nanlaki ang mga mata ko. "Ano?" "Phone. Bigay mo sa akin," madiin niyang utos. Napatingin ako sa paligid. Ang mga katrabaho ko ay nag-aabang ng eksena, halatang gustong makita akong mapahiya. Pero hindi ako papayag na diktahan ako ni Xander, lalo na sa bagay na ito. "Hindi mo pwedeng pakialaman ang phone ko," madiin kong sagot. Isang mapanganib na ngiti ang gumuhit sa labi niya. "Bakit? May tinatago ka?" "Gusto mo lang akong ipahiya sa harap nila," mariin kong sagot. "Kung wala kang kasalanan, hindi mo ipagdadamot." Hindi ko alam kung paano ko pa pipigilan ang sitwasyong ito, pero isang bagay ang sigurado ko—hindi ako mananalo kay Xander sa ganitong laban. At sa nakikita ko, mukhang determinado siyang ipitin ako hanggang sa mapilit niya akong umamin sa isang kasalanang hindi ko naman ginawa. "Hindi mo pwedeng kunin ang phone ko, Xander!" madiin kong sabi habang mahigpit na hawak ang cellphone ko. Ngunit sa halip na umurong, lalo lang lumapit si Xander. Matalim ang tingin niyang nakatuon sa akin, puno ng galit at panghuhusga. "Bakit, Althea? Ano bang tinatago mo?" malamig niyang tanong. Bago pa ako makasagot, biglang sumingit ang head ng department namin. Si Ms. Rivera, isang matandang babae na halatang walang gusto sa akin mula pa noong unang araw ko sa kompanyang ito. "Sir Xander, pasensya na po kayo. Talagang sagabal po siya rito sa department namin," aniya, sabay sulyap sa akin na puno ng pang-iinsulto. Napalunok ako. Ano na namang paratang ang ibabato nila sa akin? "Lagi pong tumutunog ang cellphone niya habang nagtatrabaho. Kung gusto niyang makipaglandian sa sugar daddy niya, eh di sana sa ibang kumpanya na lang!" dugtong pa ni Ms. Rivera. Napuno ng bulungan ang paligid. Ramdam ko ang mga tingin ng mga katrabaho ko—lahat sila naghihintay na mapahiya ako. "Ano?!" Napairap ako, hindi makapaniwala sa sinasabi nila. "Hindi ako nakikipaglandian! Wala akong ginagawang masama!" Pero sa halip na makinig, tumawa lang ang ibang empleyado. "Talaga lang, ha?" sabat ng isa. "Eh bakit parang hindi ka na matanggap ng department natin? Baka naman guilty ka talaga." Mabilis akong nilapitan ni Xander. "Althea, tell me the truth. Sino ang kausap mo?" Ngunit hindi ako makasagot. Wala akong kachat, wala akong tinatago, pero paano ko ipapaliwanag sa kanila? Nakita kong lalong dumilim ang mukha ni Xander sa pananahimik ko. "Kung ganito ka rin naman sa trabaho, mas mabuting umalis ka na lang," malamig niyang sabi. Nalaglag ang puso ko sa sinabi niya. Dalawang araw pa lang ako sa kumpanyang ito, pero parang hindi na ako tanggap dito. Ni hindi ko alam kung paano ko ipapaliwanag ang sarili ko. Dapat ba akong sumuko? O ipaglaban ang trabaho kong ito kahit na sa harap ng isang lalaking hindi pa rin ako kayang intindihin? Althea Dela Fuente’s POV Mariin ang mga titig namin ni Xander, tila may sariling laban ng pride at galit. Ramdam ko ang tensiyon sa pagitan namin, pero hindi ako umurong. Hindi ako magpapatalo. Ngunit bago pa ako muling makapagsalita, biglang tumunog ang cellphone ko, dahilan upang mapalingon ang lahat. Nag-umpisa na naman ang bulungan sa paligid. "Ayan na naman ang sugar daddy niya!" may narinig akong malakas na bulong mula sa isang empleyado. "Siguro nagagalit na 'yung matanda kasi late na ang bayad niya," dagdag pa ng isa, sabay hagikhik. Nanginginig ang kamay kong kinuha ang cellphone mula sa lamesa ko. Pero nang makita ko ang numero sa screen, agad akong natigilan. Hindi ito kung sino man ang iniisip nila. Agad kong sinagot ang tawag, hindi alintana ang mga matang nakatitig sa akin—kasama na roon si Xander, na mukhang naghihintay din sa isasagot ko. "Hello, Ma’am?" agad kong sagot, ramdam ang kaba sa dibdib ko. "Ms. Dela Fuente, kailangan niyo pong pumunta rito sa paaralan. Nasaktan po si Zsa Zsa. Tinulak siya ng kaklase niya, at napuruhan ang tuhod niya." Parang huminto ang mundo ko sa narinig ko. "Ano?! Nasaan siya ngayon? Nasaan ang anak ko?" halos pasigaw kong tanong, hindi na inisip ang mga nakikinig sa paligid. "Narito po siya sa clinic ng paaralan. Pinapalinis na po namin ang sugat niya, pero gusto niyang makita kayo." Pakiramdam ko ay nawala ang lakas sa katawan ko. Hindi ko na narinig ang iba pang sinabi ng guro. Ang tanging nasa isip ko lang ay si Zsa Zsa—ang batang inalagaan ko mula nang ipanganak siya, ang batang mahal na mahal ko na parang tunay kong anak. Mabilis kong iniligpit ang gamit ko. Hindi na ako nag-abala pang ipaliwanag ang sarili ko o makipagtalo sa kahit sino. Tumayo ako at nagmamadaling lumabas ng opisina. "Althea!" narinig kong sigaw ni Xander, pero hindi ko siya pinansin. "Hoy, bastos ka naman, hindi ka pa tapos kausapin ni Sir Xander!" sigaw ng head department. Pero wala akong pakialam. Hindi ko kayang mag-aksaya ng kahit isang segundo. Ang importante ngayon ay si Zsa Zsa. Mabilis akong bumaba ng gusali at sumakay ng unang taxi na nakita ko. Halos manlabo ang paningin ko dahil sa kaba. "Manong, sa St. Mary’s Academy po, bilisan niyo po, please," halos pagsusumamo ko sa driver. Habang tumatakbo ang sasakyan, hindi ko mapigilan ang mag-alala. Ano na ang nangyari kay Zsa Zsa? Masakit ba? Umiiyak ba siya? Hinawakan ko ang dibdib ko, pilit pinapakalma ang sarili ko. Zsa Zsa, hintayin mo si Mama... Pagkarating ko sa school clinic, halos mapatid ako sa pagmamadali. Hindi ko na ininda ang pagod, hindi ko na rin inalintana ang mga matang nakatingin sa akin habang halos patakbo akong pumasok. Ang tanging nasa isip ko lang ay si Zsa Zsa—kung ano ang kalagayan niya, kung nasasaktan ba siya, kung umiiyak ba siya habang hinihintay ako. Pero bago pa ako tuluyang makapasok, agad akong natigilan nang mapansin ko ang isang babae na masamang nakatingin sa akin. Matangkad siya, may mamahaling suot, at may hawak na designer handbag. Matalim ang tingin niya, parang hinuhusgahan na ako bago pa man ako makapagsalita. "Ikaw ba ang guardian ng batang ‘yon?" madiin niyang tanong, puno ng galit ang tinig niya. Nagtaas ako ng tingin at bahagyang inayos ang sarili ko. "Oo, ako ang guardian ni Zsa Zsa," matapang kong sagot. "Bakit?" Napailing siya at biglang bumuntong-hininga, na para bang pinipigilan ang sarili niyang murahin ako sa harap ng mga tao. "Kasalanan ng bata mo kung bakit nasaktan ang anak ko!" mariin niyang sabi. "Napakasama ng ugali niya! Hindi mo ba siya tinuturuan ng tamang asal?" Napakunot ang noo ko sa sinabi niya. Alam kong hindi ganoon si Zsa Zsa. Oo, makulit siya minsan, pero hindi siya bully. Alam kong hindi niya magagawang manakit ng kapwa bata nang walang dahilan. "Pasensya na, Ma’am, pero gusto kong marinig ang buong kwento bago ka magsimulang mag-akusa," sagot ko, pilit na pinapanatili ang respeto sa boses ko. "Hindi mo na kailangang marinig pa ang kwento!" singhal niya. "Ang anak mo ang unang nang-away! Tinulak niya ang anak ko hanggang sa bumagsak ito!" Napatingin ako sa nurse na nasa loob ng clinic, na tila nag-aalangan kung dapat ba siyang makisali sa usapan namin. "Pasensya na po, Ma’am," sabad ng nurse, marahang lumapit sa amin. "Pero base po sa kwento ng ibang guro at estudyante, naunang itulak ang batang si Zsa Zsa bago siya gumanti. Kaya po siya nasaktan." Nanlaki ang mata ng babae at agad siyang bumaling sa akin, puno ng panggigigil. "Anong pinagsasabi mong gumanti? Ibig mong sabihin, sinaktan din niya ang anak ko?" galit na tanong niya. Napakuyom ako ng kamao, pero pilit kong pinakalma ang sarili ko. "Ang ibig sabihin ni Nurse, ang anak mo ang naunang nanakit," madiin kong sabi. "At bilang isang ina, hindi mo ba dapat turuan ng tamang asal ang anak mo? Dahil kung tutuusin, si Zsa Zsa ang biktima rito." "Napakawalang hiya mo!" sigaw niya, at bago pa ako makaiwas, bigla niyang itinulak ako sa balikat. Nagulat ako sa ginawa niya, pero mas nagulat ako nang biglang bumukas ang pinto ng clinic at lumabas si Zsa Zsa, namumula ang mata at nangingilid ang luha. "Mama!" sigaw niya, agad tumakbo papunta sa akin. Agad akong yumuko at niyakap siya nang mahigpit. Ramdam ko ang bahagyang panginginig ng katawan niya. "Huwag mo siyang saktan, Tita!" lumakas ang iyak ni Zsa Zsa. "Hindi ako nagsisinungaling, siya po ang unang tumulak sa akin!" Napatingin ako sa babae sa harapan ko, na tila nag-aapoy sa galit. "Makikita mo," aniya, puno ng pananakot ang tinig. "Hindi pa tayo tapos, babae. Sisiguraduhin kong hindi na makakabalik sa eskwelahan ang bata mo." Hindi ko naiwasang mapangiti ng mapait. "Subukan mo," diretsong sabi ko. "Dahil kung may matatanggal dito, hindi si Zsa Zsa, kundi ang anak mong bully." Tumingin siya sa akin ng masama, pero sa huli, nagmartsa siya palabas ng clinic, padabog na sinarado ang pinto. Huminga ako nang malalim, saka muling hinagod ang buhok ni Zsa Zsa. "Huwag kang mag-alala, anak," mahinahon kong sabi. "Hindi kita pababayaan." Habang yakap ko si Zsa Zsa, narinig ko ang ilang bulung-bulungan sa paligid. "Alam mo ba kung sino 'yung babae kanina?" bulong ng isang staff sa isa pa. "Oo naman," sagot ng isa. "Si Mrs. Veronica Ramirez. Isa siya sa pinakamalalaking donor ng paaralan. May mataas siyang posisyon sa isang malaking kompanya." Napatingin ako sa direksyon ng dalawang nag-uusap, saka ako napabuntong-hininga. Kaya pala ang lakas ng loob niyang magsalita nang gano'n. Isa siyang makapangyarihang tao, at may impluwensya siya sa paaralang ito. Alam kong hindi basta-basta ang nakaalitan ko. Alam kong kayang-kaya niyang tanggalin si Zsa Zsa rito kung gugustuhin niya. Pero hindi ko hahayaang mangyari iyon. Hinawakan ko nang mas mahigpit ang kamay ni Zsa Zsa at nilingon ang nurse. "Pwede ko bang makausap ang principal?" tanong ko nang may determinasyon. "Gusto kong idulog ang nangyari." Nag-aalangan man, tumango ang nurse. "Sige po, Ma’am. Ihahatid ko po kayo sa opisina niya." Alam kong hindi ito matatapos nang ganito lang. Kung gusto ni Veronica ng laban, makakatikim siya ng isang ina na hindi basta-basta papayag na maapi ang anak niya.Hearing Room – Principal’s Office Nakaharap ngayon si Althea kay Mrs. Veronica Ramirez, kasama ang principal ng paaralan at ilan pang guro. Nakaupo si Althea sa harap, habang si Veronica ay nakataas ang kilay, tila ba siguradong siya ang papanigan ng lahat. "Hindi ko maintindihan kung bakit kailangan pang pag-usapan ito," matigas na sabi ni Veronica, nakatawid ang mga braso sa dibdib. "Ang anak ng babaeng ito ang siyang may kasalanan. Siya ang nagtulak sa anak ko, kaya siya ang dapat maparusahan." "Kami po ang magsasagawa ng imbestigasyon tungkol diyan, Mrs. Ramirez," mahinahong sagot ng principal. "Imbestigasyon?" napangisi si Veronica. "Ano pang kailangang imbestigahan? Alam n’yo naman sigurong ako ang isa sa mga pangunahing donor ng paaralang ito, hindi ba? At gusto kong matiyak na ang mga estudyanteng pumapasok dito ay may tamang asal. Hindi 'yung galing sa kung saan-saan lang!" Napasinghap si Althea. "Gusto n’yong sabihin, hindi pwedeng mag-aral dito ang mahihirap?" d
ALTHEA POV Mahigpit kong hinawakan ang maliit na kamay ni Zsa Zsa habang papalabas kami ng gate ng paaralan. Pakiramdam ko'y humupa na ang tensyon matapos ang nangyari sa loob ng principal’s office, pero hindi ko pa rin maiwasang makaramdam ng lungkot at pagod. Hanggang sa isang itim na luxury car ang biglang huminto sa harapan namin. Napaatras ako sa gulat, at halos mapasigaw si Zsa Zsa nang bumukas ang bintana ng sasakyan. Si Xander. Nakatitig siya sa akin, seryoso ang ekspresyon, at kitang-kita sa mga mata niya ang determinasyon. "Sumakay ka." Napasinghap ako. "Bakit?" Lumabas siya ng sasakyan at marahas na isinara ang pinto. Mabilis siyang lumapit sa akin, at bago ko pa maiproseso ang lahat, hinawakan na niya ang braso ko, marahang hinihila palapit sa sasakyan. “X-Xander, ano ba?!” pilit kong binabawi ang braso ko, pero mas lalo lang niyang hinigpitan ang hawak. Hindi siya sumagot. Sa halip, inilapit niya ang mukha niya sa akin, sapat lang para marinig ko ang mabab
ALTHEA POV Pagkarating ko sa ospital, agad akong nagtungo sa kwarto ng papa ko. Nanginginig ang kamay ko habang binubuksan ang pinto, kinakabahan sa maaaring kondisyon niya. Pagpasok ko, nakita ko siyang nakahiga sa kama, payat at maputla. Ngunit sa kabila ng panghihina niya, pilit siyang ngumiti nang makita ako. "Anak…" mahina niyang tawag. Lumalakas ang kabog ng dibdib ko habang lumalapit sa kanya. Hinawakan ko ang kamay niya, pinipigilan ang sariling maiyak. "Pa… kumusta na po kayo?" Bago siya sumagot, biglang pumasok ang doktor. Agad akong tumayo at hinarap siya. "Dok, kumusta na po si Papa?" nag-aalalang tanong ko. May hawak na chart ang doktor habang seryosong nakatingin sa akin. "Nagkaroon ng kaunting improvement ang lagay ng ama mo, Ms. Dela Fuente. Tumalab ang gamot, at sa ngayon, mas stable na ang kanyang kondisyon." Bahagyang lumiwanag ang mukha ko sa narinig. "Totoo po? Ibig sabihin, may pag-asa pa?" Tumango ang doktor. "Oo, pero kailangan pa rin ng pat
Hindi agad dumiretso si Althea sa kanyang desk. Ayaw niyang harapin ang mga mapanuring tingin at bulungan ng kanyang mga kasamahan sa trabaho, kaya dumiretso siya sa comfort room. Kailangan niyang magpahinga sandali, magtanggal ng inis, at mag-isip nang maayos bago muling harapin ang araw. Napahawak siya sa lababo at malalim na huminga. "Huwag mo silang intindihin, Althea," bulong niya sa sarili. Ngunit kahit anong pilit niyang palampasin ang mga nangyari kanina, hindi niya maiwasang magalit—lalo na kay Xander. Biglang tumunog ang kanyang cellphone. Pagtingin niya sa screen, nakita niyang si Jace ang tumatawag—ang matalik niyang kaibigan at isa sa mga tumulong noon kay Zsa Zsa. Ang Ninong ni Zsa Zsa. "Hello, Jace," mahina niyang sagot. "Althea, kamusta ka? Naihatid mo na ba si Zsa Zsa sa school? May problema ba?" agad na tanong ng lalaki sa kabilang linya. "Ayos lang naman ako," sagot niya, bagama’t halata sa boses niya ang pagod. "Naihatid ko na siya sa school. Buti na lang
Althea’s POV Mabilis akong lumabas ng building, handa nang umuwi at magpahinga. Maaga kong natapos ang trabaho, kaya inisip kong makakapag-relax ako kahit sandali. Sigurado akong nasa apartment na si Zsa Zsa kasama si Cherry, ang babaeng binabayaran ko para magbantay sa kanya. Pero paglabas ko— "Mommy!" Napalingon ako agad sa direksyon ng sigaw, at agad na bumungad sa akin si Zsa Zsa, tumatakbo palapit sa akin kasama si Cherry. Halos marinig ko ang collective gasp ng mga empleyado sa paligid. Ilang mata ang agad na lumingon sa amin, ilang bulungan ang nag-umpisa sa paligid. Nanginginig ang mga daliri kong tinanggap ang yakap ng anak-anakan ko, ramdam ang init ng kanyang maliit na katawan laban sa akin. Ngunit kasabay ng ligayang naramdaman ko sa yakap na iyon ay ang panlalamig ng paligid—mga titig ng mga kasamahan ko sa trabaho, puno ng pagtataka at tanong. Narinig ko ang bulungan sa paligid. “Anak ba ‘yan ni Althea?” “Bakit ngayon lang natin nalaman?” “Akala ko ba wal
Xander’s POV Napatingin si Xander sa tauhan niyang kakapasok lang sa opisina. Kita sa mukha nito ang kaba, parang nag-aalangan kung paano sasabihin ang balita. "Sir, dumating ang tawag kanina… Darating na raw po ang Tita niyo—ang kapatid ng ama niyo." Mabilis na nagdilim ang mukha ni Xander. Tumayo siya mula sa kanyang upuan, hinaplos ang panga, saka napatingin sa screen ng laptop kung saan kitang-kita pa rin niya si Althea at Zsa Zsa. "Kailan?" malamig niyang tanong. "Sa loob ng dalawang araw po, Sir," sagot ng lalaki. "At gusto raw po kayong makausap agad pagdating niya." Napakuyom ang kamao ni Xander. Alam niyang hindi ito simpleng pagbisita lang. Ang Tita niya—isang babaeng hindi kailanman nakialam sa buhay niya noon—ay biglang magpapakita ngayon? Hindi siya tanga para hindi malaman kung anong ibig sabihin nito. At ang mas pinagtatakhan niya... bakit ngayon, sa mismong panahon na kasama na niya si Zsa Zsa? Dahan-dahang lumingon si Xander sa tauhan niya. "May alam n
Althea’s POV Kasalukuyan akong abala sa pag-aayos ng mga reports sa desk ko nang biglang tumunog ang telepono. Agad akong napatingin dito, at nang sagutin ko, boses ng secretary ni Xander ang bumungad sa akin. "Ms. Althea, pinapatawag ka ni Sir Xander sa opisina niya. Ngayon na." Muntik ko nang mabitawan ang hawak kong ballpen. Ngayon na? Hindi pa man humuhupa ang tensyon kanina nang makilala ni Xander si Jace, ngayon ay pinapatawag na ako sa opisina niya. Alam kong hindi ito tungkol sa trabaho lang—may kinalaman ito sa nakita niyang pagkikita namin ni Jace. Napalunok ako at marahang pumikit, pilit pinakakalma ang sarili ko. Huwag kang matakot, Althea. Huwag mong ipakitang natatakot ka. Mabagal akong tumayo at inayos ang sarili ko bago tuluyang lumakad papunta sa opisina ni Xander. Pagkarating ko sa harap ng pinto, huminga ako nang malalim bago marahang kumatok. "Come in." Mahinahon kong binuksan ang pinto, ngunit agad akong napabuntong-hininga sa eksenang bumungad sa
Althea’s POV Pinili kong maglakad pauwi. Ayoko nang sumabay kay Xander, lalo na at hindi ko alam kung anong problema niya. Pero sa totoo lang, hindi ko rin alam kung bakit ako naiinis sa kanya. Siya ang hindi namamansin, pero ako ang naiinis? Ano ba ‘yun? Napabuntong-hininga ako habang pinilit kong huwag isipin si Xander. Pero habang naglalakad ako, hindi ko napansin ang taas ng heels ko. Ramdam ko na ang sakit sa paa ko, pero tiniis ko na lang. Biglang— BEEEEEP! Napatalon ako sa lakas ng busina ng sasakyan sa likuran ko. Napairap ako bago lumingon, at hindi na ako nagulat nang makitang si Xander ang nasa loob ng sasakyan. Nakataas ang isang kilay niya habang nakasandal sa manibela. "Ano ba?! Gusto mo ba akong atakihin sa puso?!" iritado kong sigaw. Bumaba niya ang bintana at walang kaabog-abog na nagsalita. "Sumakay ka na." Napaatras ako at tumawid sa kabilang lane para umiwas. "Hindi ako sasabay sa’yo. May sarili akong paraan pauwi." "Oh? Ganun? E bakit ka naglalak
Sa di kalayuan, sa likod ng matataas na punong kahoy at kakahuyan na bahagyang natatakpan ng anino, nakatayo si Xander. Tahimik, walang imik, ngunit tila may lindol sa loob ng kanyang dibdib habang pinagmamasdan ang bawat galaw ng mga taong mahal niya. Hawak niya ang kanyang jacket sa isang kamay, habang ang kabilang kamay ay nakakuyom sa gilid ng kanyang katawan. Sa harap ng puntod, nakita niya si Althea na nakayakap kay Zsazsa. Kasama rin si Jace at si Inay Edna, tila isang kumpletong pamilyang nagluluksa ngunit sabay-sabay ding bumibitaw sa nakaraan. Hindi niya maipaliwanag ang damdaming bumabalot sa kanya. May kirot, may galit, may lungkot… pero higit sa lahat, may panibugho. Hindi sa pag-ibig ni Althea, kundi sa pagkukulang niyang maging sapat—kay Althea, at higit sa lahat, kay Zsazsa. Tila mabagal ang pag-inog ng mundo sa paningin niya habang pinagmamasdan kung paano niyakap ni Althea si Zsazsa nang mahigpit, kung paano ngumiti ang bata sa gitna ng lungkot, at kung paano n
Third POV Lumipas ang ilang araw, ngunit walang balita kay Xander. Para siyang nawala na parang bula, iniwan si Althea sa gitna ng napakaraming tanong at sakit. Sa bawat paggising niya sa umaga, umaasa siyang makakatanggap ng tawag o kahit mensahe mula kay Xander, pero wala. Tila baga hindi lang siya basta iniwan—parang hindi na ito muling babalik. Ang kanilang bagong tahanan na dapat ay puno ng saya bilang bagong kasal ay naging malamig at tahimik. Sa tuwing bababa siya sa hapag-kainan, parang gusto niyang umiyak. Napansin niyang kakaiba ang kilos ng kanyang mga magulang. Si Julio at Cecilia ay laging nag-uusap nang pabulong. Sa tuwing papasok siya sa silid nila, bigla silang titigil at magpapanggap na wala lang. Si Jace naman, palaging naroon, nakabantay sa kanya. Minsan, parang may gusto itong sabihin, pero hindi nito magawa. Isang gabi, habang palabas siya ng bahay upang magpahangin sa garden, narinig niya ang usapan ng kanyang mga magulang sa sala. "Hindi na dapat b
Third POV Malapit na ang kanilang kasal, pero sa halip na excitement, kaba ang bumalot kay Althea. Ilang oras na siyang naghihintay, pero ni anino ni Xander ay hindi pa niya nakikita. Nagsimula siyang maglakad-lakad sa paligid ng bahay, sinusubukang hanapin ito. Sinubukan niyang tawagan ang cellphone nito, pero hindi sumasagot. Sinubukan niya ring tanungin ang mga tauhan na abala sa paghahanda ng kasal, pero walang makapagsabi kung nasaan si Xander. Habang lumilipas ang mga oras, unti-unti na siyang kinabahan. “Nasaan na ba ang lalaking ‘yon?” bulong niya sa sarili, napapatingin sa orasan. Maya-maya, lumapit sa kanya si Zsazsa na may bitbit na stuffed toy. “Mama Althea, bakit po parang nag-aalala kayo?” inosenteng tanong ng bata. Napabuntong-hininga siya at pilit na ngumiti. “Hinahanap ko lang si Daddy Xander mo, baby.” Biglang kumunot ang noo ni Zsazsa. “Baka po hindi na siya bumalik,” sagot nito nang walang emosyon. “Okay lang naman po. Mas gusto ko naman si Daddy Jace.
Third POV Abala ang buong pamilya sa paghahanda ng kasal nina Xander at Althea. Masaya ang lahat, maliban kay Althea na nakaupo sa gilid, nakasimangot habang hinahaplos ang kanyang umbok na tiyan. "Hindi ba pwedeng pagkatapos ko na lang manganak?" reklamo niya kay Xander habang nakasandal ito sa balikat ng lalaki. Agad siyang hinila ni Xander palapit. "No way, love. Gusto kitang pakasalan ngayon na. Mas okay na may kasiguraduhan akong hindi mo na ako matatakasan!" malakas niyang sabi, sabay halik sa tuktok ng ulo ni Althea. Napairap si Althea at kinurot ang tagiliran ni Xander. "Ganyan ka na naman! Para bang takot na takot kang iwan kita." "Gano’n na nga," sagot ni Xander, hindi man lang tinatago ang katotohanan. "Baka kung kelan hindi kita binantayan, bigla kang tumakbo na parang si Cinderella!" Napahalakhak si Althea. "Eh paano naman ako tatakbo, ha? May bitbit akong baby sa tiyan! Hindi mo ba nakikita kung gaano na ako kabigat?" Tumango-tango si Xander na kunwaring na
Sa Ilalim ng mga Bituin Sa malawak na bakuran na malapit sa ilog, nag-uumapaw ang kasiyahan. Ang mga ilaw mula sa mga nakasabit na bombilya sa puno ay nagbibigay ng mainit at kaaya-ayang liwanag sa buong paligid. Amoy na amoy ang inihaw na isda at baboy, samahan pa ng halakhakan ng mga tao. Habang abala ang lahat sa paghahanda ng pagkain at paglalaro ng mga bata, si Althea naman ay nakaupo sa may gilid, pasilip-silip sa nagaganap na kasiyahan. Nakaunan siya sa kanyang palad, may kaunting lungkot sa kanyang mga mata habang pinagmamasdan ang paligid. Kung iisipin, ilang araw lang ang lumipas pero pakiramdam niya ay parang isang siglo na niyang hindi nakikita si Xander. Inakala niyang hindi na ito babalik. Pinilit niyang maging matatag, pero sa bawat paglipas ng araw, mas lalo niyang naramdaman ang sakit ng pangungulila. Napabuntong-hininga siya at nilaro ang dahon ng damo sa kanyang kamay. Maya-maya pa, bigla niyang naramdaman ang isang mainit na bagay na lumapat sa kanyang bali
Tahimik ang buong bahay. Para bang lahat ng tao ay nawala, o kaya nama’y sinadyang iwan siyang mag-isa. Hindi niya maintindihan, pero ramdam niyang may bumabagabag sa kanya. Mahigpit ang pagkakabalot niya sa kumot, nakasiksik siya sa gilid ng kama, at kahit anong pilit niyang pigilan ang sarili, patuloy pa rin sa pagpatak ang kanyang luha. Paulit-ulit sa isip niya ang larawang nakita niya—si Xander, inaalagaan si Lilia, samantalang siya, na kanyang asawa at dinadala ang kanilang anak, ay hindi man lang nito napupuntahan. Maya-maya, isang katok ang gumambala sa kanyang pag-iiyak. Mahina lang ito noong una, pero hindi ito tumigil. Isa, dalawa, tatlong beses—at nang hindi siya sumagot, nanatiling tahimik ang kabilang panig ng pinto. Wala pa ring tunog. Parang nakikiramdam kung gising siya o hindi. Ngunit kahit pa sirain ang pintuan, hindi niya ito babangon. Mas gusto niyang manatiling nakabalot sa lungkot at pagdaramdam. Pero hindi niya inaasahan ang sumunod na nangyari. Isan
Samantalang si Althea ay abala sa pagkain ng hinog na mangga sa likod-bahay. Sarap na sarap siya sa bawat kagat habang iniisip kung bakit parang ang bigat pa rin ng pakiramdam niya. Ilang araw na siyang malungkot at hindi niya na rin makontak si Xander. Napabuntong-hininga siya at tumingin sa langit. "Kailan kaya matatapos ang ganitong pakiramdam?" tanong niya sa sarili. Nang maalala niya ang kanyang cellphone, agad siyang napatayo at bumalik sa kanyang silid. Kinuha niya ang telepono sa tabi ng unan at nanlaki ang mata nang makita ang napakaraming missed calls mula kay Jace. Kinabahan siya. "Baka may nangyari sa mga bata!" mabilis niyang inisip. Agad niyang tinawagan si Jace habang lumalakas ang kabog ng kanyang dibdib. Biglang bumukas ang pinto ng silid ni Althea. Napalingon siya at nakita niyang si Jace ang pumasok. Kumunot ang noo niya, bakas sa mukha niya ang pagtataka. “Anong ginagawa mo rito?” tanong niya, kita sa mukha ang bahagyang pag-aalala. Hindi agad nagsali
Pag-aalala ng Pamilya ni Althea Tahimik na nakaupo si Althea sa hapag-kainan kasama ang kanyang pamilya. Kahit anong pilit niyang itago ang lungkot, napansin pa rin ito ng Inay Edna niya. “Althea, anak,” mahinahong tawag ni Inay Edna habang nakatingin sa kanya. “Para kang walang gana. Ang tagal mong nagising, tapos ngayon, parang hindi ka interesado sa pagkain mo.” Napatingin si Althea sa pagkain sa harapan niya. May sinigang na baboy, pritong isda, at kanin—paborito niya noon, pero ngayon, parang wala siyang gana kahit sa isang subo. “Wala lang po, Inay,” mahina niyang sagot, iniwas ang tingin. Ngunit hindi siya tinantanan ni Inay Edna. Napansin din ni Cecilia at Julio ang kanyang pananamlay. “Ano ka ba naman, anak?” sabat ni Cecilia, nag-aalalang hinawakan ang kamay ni Althea. “Buntis ka. Hindi puwedeng pinapabayaan mo ang sarili mo. Paano ang baby mo? Kailangan mong kumain.” “Kahit pilitin mo, kung ganyan ang mukha mo habang kumakain, baka lalo kang hindi makakain,” d
Xander's POV Nang makaalis si Attorney, naramdaman ko agad ang bigat ng katahimikan sa silid. Naiwan kaming dalawa ni Lilia, at ramdam ko ang bawat segundong lumilipas—parang isang bitag na unti-unting sumasakal sa akin. Tumayo ako, nag-aalalang tinitingnan si Lilia na nakahiga sa kama. “Lilia, magpapahinga na ako. May mga dapat pa akong asikasuhin bukas,” sabi ko, pilit na nagpapaka-kalma. Biglang sumimangot si Lilia, parang batang inagawan ng laruan. “Bakit ang bilis mo namang umalis, Xander? Akala ko ba, mananatili ka muna rito?” Napabuntong-hininga ako. “Sinabi kong isang buwan akong mananatili rito para ayusin ang usapin sa negosyo, pero hindi ibig sabihin na kailangan kong bantayan ka buong magdamag.” Tumayo siya mula sa kama, bagama’t halatang mahina pa rin ang katawan niya. Lumapit siya sa akin at mahigpit na hinawakan ang aking braso. “Xander, please… kahit sandali lang. Ayokong mag-isa rito.” Ramdam ko ang init ng kamay niya, pero mas ramdam ko ang lungkot sa bos