Chapter 39

Kiara's POV

Tinulak ako ng lalaki kaua napaluhod ako sa harao ni Mr. San. Hindi nagtagal ay sapilitan niya akong pinatinghala sa pamamagitan ng pagsabunot sa akin.

Galit na mukha ni Mr. San ang una kong nakita.

"I will kill you," nanggagalaiting sambit niya at kita ko sa mga mata niya ang matinding galit.

"Boss! Ubos na po ang mga tauhan natin na nasa loob!"

Mas lalong humigpit ang pagkakasabunot niya sa buhok ko kaya mas lalo akong napangiwi sa sakit. At parang mabubunot ang buhok ko sa anit ko nang pinatayo niya ako ng sapilitin dahil sa paghila sa buhok ko.

"Nasira ang plano ko!" sigaw niya sa mismong mukha ko.

"Dahil mahina ka! Dahil duwag ka!" sigaw ko pabalik at dahil doon ay mas lumala ang galit na pinapakita niya.

Malakas niyang sinampal ang pisngi ko kaya ramdam ko kaagad ang hapdi nito. Sobrang lakas ng sampal niya na pakiramdam ko ay kaagad namaga ang pisngi ko. Pinigilan ko ang hikbi ko dahil ayaw kong magpakita ng kahinaan sa harap kahit takot ako sa posibleng mangyari