Chapter 30

"Pangalan po natin, Maam?" tanong ng colonel na nakaupo sa tapat niya.

Pagkatapos siyang akusahan ni Bree sa harap ng ospital ay dinala siya sa Police Station na nasa malapit para makuha ang statement niya sa nangyari. Kumurba ang gilid ng mga labi ni Jenica. "Jane Lau."

May sinulat ang colonel sa papel na hawak at nagtanong tungkol sa matanda. Sinagot ito ni Jenica at pagkatapos ng ilang minuto ay binigyan na siya ng permisyong lumabas ng istasyon.

Nilibot ni Jenica ang tingin sa labas ng istasyon at nakita niya si Bryce na kausap si Lynet sa hindi kalayuan. Humakbang siya palapit sa dalawa at si Lynet ang unang nakapansin sa kaniya. Masama ang tingin nito sa kaniya kaya tumaas ang kilay ni Jenica. Ano na naman ang problema ng babaeng 'to?

"When the autopsy report is out, the Mondragon will file a case against the Desmana," sabi ni Lynet kay Bryce habang nakatingin nang masama kay Jenica. "Didn't I tell you that this woman will only cause you trouble, Bryce?"

Kumunot ang noo ni B