KABANATA 21

“TAPOS ka na?”

Bungad na tanong ni Jeydon kay Devina ng makalabas itonng isang restaurant. Nagpasama kasi ang babae sa isang restaurant matapos nilang pumunta sa simbahan.

“Oo, nagkaproblema lang sa cite. Sabi ko bukas na ako pupunta,”

Tumango lang si Jeydon at sumakay na sa loob si Devina. Habang nasa byahe sila pauwi sa bahay ay biglang pumasok sa isip ni Devina ang bata na nakita nila sa simbahan.

“Jeydon, ‘yung bata kanina. Sa tingin mo ba tama lang na ampunin ko siya?” Tila naguguluhan na tanong ni Devina na siyang ikinalingon sandali ni Jeydon sa babae at muling ibinalik ang tingin sa daan.

“Oo naman, kaya nga hinayaan lang kita kanina nu’ng sabihin mo ‘yun.” Ngiting sabi ng lalaki.

“Pero sa tingin mo tatanggapin kaya ako nu’ng bata? Alam mo ba na kapalayaw niya ang anak kong si Arabelle? Belle ‘din sana ang ipapalayaw ko sa kaniya. Kaya nga hindi ako nagdalawang isip kanina lalo na naisip ko na baka pinagtagpo kami ni God sa araw ng kamatayan ng anak ko para doon.”