Chapter 61

Hindi mapagkaila kung anong katahimikan ang nangyari sa paligid nang sabihin iyon ni Esteban, gulat ang lahat at nagtataka kung paanong nasabi iyon ng isang hindi hamag na walang kakayahan sa buhay. Natatawa ang iilan sa isipan na para bang nahihibang si Esteban.

"Nahihibang ka na nga, Esteban. Nagpapatawa ka, hindi mo kami binigo sa pinagsasabi mo." Nagtawanan ang lahat maliban kay Donya Agatha sa sinabi ni Frederick.

Kahit si Alberto ay hindi makapaniwala sa narinig mula kay Esteban kaya lumapit ito sa kanya at bumulong. "Ano bang pinagsasabi mo? Gusto mo bang magalit si Mama at mapahamak ang anak ko?" Hindi iyon sinagot ni Esteban, bagkus seryoso pa rin siyang nakatingin sa kanilang lahat. 

Habang pinagmasdan ni Donya Agatha si Esteban, ibang  katauhan ang tingin niya sa pagkakataong ito. Sumagi sa kanyang isipan na isang delikadong tao ang napangasawa ni Anna pero hindi niya mapagtanto, mas umibabaw pa rin sa kanya na siya lang mismo ang kinakataku